Máciya 10:15 - Jola-Kasa

¹⁵ Li mal̥egenamu fan ilobuul, li hunakahu nan Ateemit ammuu li atiib bukanabuku, katekaku kata bukanabuku kata ésukayi inyu fan kuhaŋ másengi kata bukanabuku kata Sodom li kata Gomool.

Máciya 10:15 Referencias Cruzadas

Máciya 12:36

Fan ilobuul eenuul, li Hunakahu hata Batiibabu, anoowan fan atal hákil Ateemit wáa újiye li alob hulim hanoohan hajakut.

Máciya 5:18

Mata li mal̥egenamu, boot min ilobuul, emitayi li etaamayi sifiyo to min sifiyo to, maayeet jano li jikiicaju jahaŋumuu matiti let jíbuji. Maayeet hano li husotahu hahaŋumuu matiti hata eluwaayi let húbuji, boot yok nan wahawu feh wommuu uban.

Máciya 7:22

Li hunakahu hata batiibabu, bukan kameeŋe fan koonom: «Amaaŋen, Amaaŋen», kama inti li kajawaku kooli, jílobummu kulimaku kata Ateemit? Inti li kajawaku kooli, jíkesoolummuu uyinumawu wajakutaawu? Inti foof li kajawaku kooli, jíkaanummuu wah wájaahaleniye?

Maak 6:11

Li bil nokoo loon tin jijeˈe jíliiŋ, bukanabuku kata to li kuhoy kuyabuul, mantee foof li kuhoy kujantenuul, jilakomuu li jífu’ to li jihank kafolaku kata kootaku kooluul: fan lako búhiisenum boot li buko.

Hulimahu Hásuumaahu loon Saŋ akiic homuu 12:48

An ahoyommuu ban li ahoy bayab kulimaku kúmbaam, labaje atiiba: hulimahu han iloboolumuu, ho hommuu hubil hutiibool li hunakahu húbanumahu.

Hulimahu Hásuumaahu loon Saŋ akiic homuu 6:39

Húnongumahu hata Anawu áboñulommuu ho hommuu jakum an li bukanabuku kan asenommuu ájim, bale min iyitenumuliil li eketayi li hunakahu húbanumahu.

Hulimahu Hásuumaahu loon Saŋ akiic homuu 6:40

Húnongumahu hata Atuubawom ho hommuu unhe: anoowan ammuu li ajuk Añiilawu ban li áyinen li akila, fan abaj buloŋabu bábaneliitumuu. Ban ínje fan iyitenulool li eketayi li hunakahu húbanumahu.

Bakaanelabu 17:31

Lajoojok hunak nan ammuu atiibum bukanabuku feh kata etaamayi col, li anawu an al̥usumuu. Láhihhiis wahawu unwu bukanabuku feh, nan ayitenumulomuu anawu ummu li eketayi!»

1 Kata Koolent 3:13

bulokabu boola fan bubil búfulul bujuki li hunakahu hata batiibabu. Li hunakahu unhu, Ateemit fan aŋa’ sambun min ayoob bulokabu bata anoowan, min anoowan ahaas bulok buu lakaane.

1 Kata Tesalonik 5:4

Kutuyom, bale bukuluul jilet li élim mata min bil hunakahu unhu hugoobuul loon ákuu.

Eébulo 10:25

Jakum ukataal bo kuwoogaku koololaal loon kukee kukaanemuu, bale unaak uwankulenoolaal, emmuu kama jijuke kaanaku hunakahu hata Amaaŋenawu húkoojulo.

2 Fiyeel 2:6

Ateemit li atek ésukayi yata Sodom li yata Gomool, ban li aleemen so li sambun, min aŋa’ so akaan bukittenoolum bata wahawu wammuu li ubil ubaj bukanabuku kaatutumuu kubil kúkoli Ateemit.

2 Fiyeel 2:9

Amaaŋenawu lahaase buu lammuu li akaan min afaken bukanabuku kacolumuu hákilool, li sílaamasu sooliil. Lahaase foof buu láamimuu li akaan min ajok bukanabuku kakaanemuu majakut akat to boot li hunakahu hata Batiibabu,

2 Fiyeel 3:7

Emitayi inye li etaamayi inye, so, Hulimahu hanolahu hata Ateemit hukaakat so to boot bil li hunakahu nan kulatoolaaku kata Ateemit kommuu li kutiibi min kubaj katek boot nanoonan. Hunakahu unhu, emitayi li etaamayi fan siniileni li sambun.

1 Saŋ 4:17

Húbooliyahu háamimuu li alolaal hoote hujow boot to, mantee li ubajaal kákangum li hunakahu hata batiibabu. Fan ubajaal kákangum mata buloŋabu boololaal li adunaayi inye, bunokoonokoo li bata Yéesu Kilisita.

Eleetalayi yan Súd akiicumuu 1:6

Jiwayil̥o foof kumalakaaku kátijutumuu li huhaanaahu han Ateemit aseniilumuu, min kúkatul bó bukinabu bammuu booliil. Ateemit li ajokiil ajenk boot nanoonan akat li élimayi, min kunaak Hunakahu háamakuhu hata batiibabu.

Eleetalayi yan Súd akiicumuu 1:7

Jiwayil̥o foof bukanabuku kata Sodom, li kata Gomool li kata sísuk saasu sakooj somuu, kunaake kúkaanikoomuu foof loon kumalakaabuku umbuku. Kunaanaak kúfulo bó muñaˈa, yok loon ánayine li uhinten afaalool ánayine. Kubaje katek li sambunasu sáhokoweliitumuu, min lako búhiisenum boot li alolaal foofolaal feh.