Hulimahu Hásuumaahu loon Lík akiic homuu 2:9 - Jola-Kasa

Muñeˈe, amalaka ata Amaaŋenawu li áfululiil. Máyiineniyamu mata Amaaŋenawu li mujaaŋeniil múwooñen. Muñeˈe li kúkoli ŋáa’.

Hulimahu Hásuumaahu loon Lík akiic homuu 2:9 Referencias Cruzadas

Máciya 1:20

Nan alakomuu kayinoolaku unku, muñeˈe amalaka ata Amaaŋenawu li áfulool li sísaahut min aanool: — Suseef, añiil ata bubukoolum bata Dayit, jakum úkoli min uŋa’ Mali alako aseeki, mata halahu han aakumuu, li sembe sata Buyinumabu Banabaabu lábajum hó.

Hulimahu Hásuumaahu loon Lík akiic homuu 1:28

Amalakaawu li anoken bata Mali áliiŋ li aanool: — Lisaafi Mali, awu jan Ateemit asenumuu káji. Amaaŋenawu ummu li awu.

Hulimahu Hásuumaahu loon Lík akiic homuu 2:8

Muñeˈe li baj li halaabahu unhu hanolahu, kumata kanaake kuŋot li siŋamasu min kufooy sínuukuleŋasu sooliil.

Hulimahu Hásuumaahu loon Lík akiic homuu 24:4

Bajukelabu ban kujukumuu li bújiyiil li kuliiwo kulako to. Kánayine kúl̥uba, kakaanowe wañ waleñe li kúfululiil.

Hulimahu Hásuumaahu loon Saŋ akiic homuu 12:41

Esay lalollob loon muñaˈa, mata lajuujuk máyiineniyamu mata Yéesu, ban li alob moola.

Bakaanelabu 12:7

Li kulako to, amalaka ata Amaaŋenawu li ago’ Fiyeel li ejaj min áliwool, ban li aanool: — Uyito cab! Useelawu wan kuŋa’muu min kujenkool li kuŋen, li uyaan úlowul.

Bakaanelabu 27:23

Mata li mal̥egenamu li ehukaayi yakatenumee síyaat, amalakaawu ata Ateemitawu akilommuu an ilokemuu boot li akila, láfulonfu’

Bakaanelabu 5:19

Bale li líiŋ li hukahu, amalaka ata Amaaŋenawu li ábabul wámbiilawu wata hukul̥ahu, min akaan kufootalaku kúfu’, ban li aaniil:

2 Kata Koolent 3:18

Alolaal foofolaal feh jan wuulawu woololaal úmibutimuu, máyiineniyamu mata Amaaŋenawu muyilo mujuki li alolaal loon li kajuuloolum. Amaaŋenawu ammuu Buyinumabu, li akaanolaal úbutiyaal, min unokoolaal li akila li máyiineni ló, mahaŋe naak nanoonan maluuk.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

Eébulo 12:21

Wahawu wan kujukumuu li úkoyileni gay Móyiis li aan: «Líkolikoli gay li inaak iteelen.»

Búhiisenumabu 18:1

Fúlum tó, li ijuk amalaka akee li áwalowumul li emitayi. Lababbaj sembe sáamak ban máyiineniyamu moola li muwuŋen etaamayi feh.

Búhiisenumabu 20:11

Fúlum tó, li ijuk efenjeŋ yahiite yáamak yata jáyii, li anawu abah lómuu. Emitayi li etaamayi li sitey síloyiyool, ban anoowan alaañenut ajuk so.