Hulimahu Hásuumaahu loon Lík akiic homuu 19:10 - Jola-Kasa

Mata Añool-An labiibil huŋes li kafaken bukanabuku kájimumuu.

Hulimahu Hásuumaahu loon Lík akiic homuu 19:10 Referencias Cruzadas

Máciya 1:21

Fan abaj añiil áyine, ban fan ukaanool kajawaku kaaneyimuu Yéesu. Mata akila ammuu afaken ésukool li uhoofoolawu wooliil.

Máciya 10:6

Bale jijow boot bata bukanabuku kata Isilayeel kanokoomuu li kúgalalaan kájime.

Máciya 15:24

Yéesu li aan: — Líboñuliboñul boot li bukanabuku bale kata Isilayeel kanokoomuu li kúgalalaan kájime.

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 18:11

Mata Añool-An labiibil boot kafaken bukanabuku kájimumuu.

Hulimahu Hásuumaahu loon Lík akiic homuu 15:32

Bale lootaale ukaanaal kagaan min ésuumansuum elako li ololaal. Mata atuyi umme laketeene, bale muñeˈe lálaañulo áami li buloŋ. Lájimeene, bale muñeˈe lijukool.”»

Hulimahu Hásuumaahu loon Lík akiic homuu 15:8

— Mantee foof, nokoomuu loon anaale abaje sihanjal sata sídalam soono kuŋen, ban yakee li so li éjim, inti fan ayaben ehiitum min awuu eluufayi ban li aŋes jak boot yok nan ammuu ajuk ehanjalayi yata édalamayi?

Hulimahu Hásuumaahu loon Saŋ akiic homuu 3:17

Ateemit áboñuloot Añoolool li adunaayi boot batiib bukanabuku kammuu li adunaayi, bale min áfakenum bukanabuku kammuu li adunaayi li akila.

Kata Lom 5:6

Li mal̥egenamu, nan ubajeenutaalumuu sembe, Kilisita li aket boot li alolaal jafañeenutaalumuu Ateemit, nan taŋayi yan Ateemit ajokumuu éliiŋumuu.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.