11 Mata Añool-An labiibil boot kafaken bukanabuku kájimumuu.
Bale jijow boot bata bukanabuku kata Isilayeel kanokoomuu li kúgalalaan kájime.
Yéesu li aan: — Líboñuliboñul boot li bukanabuku bale kata Isilayeel kanokoomuu li kúgalalaan kájime.
«Buu jiyinoole? An abajumuu kúgalalaan koono éteemeel, ban hano li ko li hújim, fan akaan buu? Inti fan akat li huyuuyahu kúgalalaanaku kúyii kubakii li kaat li kubakiilaku kasaŋo tomuu, min ajow áŋesul hájimumuu?
Nan Yéesu ajamiilumuu li kulob loon muñaˈa, li aaniil: — Inti bukan kásomutut joke li abuntena, bale kásomutumuu joke li abuntena.
Mata añoolom umme laketeene, bale muñeˈe lálaañulo áami li buloŋ. Lájimeene, bale muñeˈe lijukool.” Li kútoŋ kugaan li ésuumansuum ló.
Bale lootaale ukaanaal kagaan min ésuumansuum elako li ololaal. Mata atuyi umme laketeene, bale muñeˈe lálaañulo áami li buloŋ. Lájimeene, bale muñeˈe lijukool.”»
Mata Añool-An labiibil huŋes li kafaken bukanabuku kájimumuu.
Li kújowum tó boot li ésuk yakee.
Akúu labilebil boot ékuwet bale, jamuk li kakajen. Injé libiibil boot min bukanabuku kubaj buloŋabu, ban li kubaj bo li mal̥egen.
An ajamumuu kulimaku kúmbaam, ban anabut li ko, inti ínje emmuu li itiibool, mata ínje ibilut boot katiib adunaayi, bale boot kafaken yo.
Ateemit áboñuloot Añoolool li adunaayi boot batiib bukanabuku kammuu li adunaayi, bale min áfakenum bukanabuku kammuu li adunaayi li akila.
Hulim unhe hata mal̥egen hatooke min ésukayi feh eyab ho: Yéesu Kilisita labiibil li adunaayi boot kafaken kuhoofoola. Ban ínje humumom emmuu átinaa li kuhoofoolaabuku umbuku feh.
