Kata Lom 5:6 - Jola-Kasa

⁶ Li mal̥egenamu, nan ubajeenutaalumuu sembe, Kilisita li aket boot li alolaal jafañeenutaalumuu Ateemit, nan taŋayi yan Ateemit ajokumuu éliiŋumuu.

Kata Lom 5:6 Referencias Cruzadas

Kata Lom 11:26

No unnu, no bukanabuku kata Isilayeel foofiil feh kommuu li kufak loon bakiicelabu bulobumuu: «Afakenaawu fan áfulumul Siyoŋ, fan akaan min baj kákoli Ateemit li bubukoolumabu bata Sakob,

Kata Lom 4:25

Ateemit labeebet Yéesu Kilisita li eket humum hata uhoofoolawu woololaal, ban li ayitenumulool li eketayi min akaanolaal ulakowaal bukan kacole hákilool.

Kata Lom 4:5

Bale an akaanutumuu bulok banooban, min áyinen bale kaanaku Ateemit lakaanekaan ahoofoola alako an acole, anawu ummu Ateemit fan ajokool an acole humum hata káyinenaku koola.

Kata Lom 5:10

Li mal̥egenamu, naanaŋ alolaal kulatoola kata Ateemit lulakoweenaale, bale li ájowum li eketayi yata Añoolool min akaanolaal ubajaal kajamoo li akila humumool. Muñeˈe emmuu lubajaale kajamoo li akila, kama fan ájowum li buloŋabu bata Añoolool min afakenolaal.

Kata Lom 5:7

Séngisengi ŋáa’ min an aket boot li an acole. Akee nikee fan afañ min aket boot li an ajake.

Kata Lom 5:8

Bale muñeˈe Ateemit áhiisolaalumuu buu lafañolaalumuu eeno: Kilisita lakeeket boot li alolaal, ban no unnu alolaal baloŋaale kuhoofoola.

Kata Lom 8:32

Akila afanutumuu akat bo Añoolool humumool, bale li abetool li eket boot mata ololaal foofolaal feh: buu emmuu nokoo let asenolaal wahawu feh boot li Añoolool ló?

Kata Lom 8:34

Ayimaa ayilo atiibiil min abetiil li katek? Maayeet ano! Yéesu Kilisita okila aketumuu, ban aketut bale, layitowuuyitowul li eketayi, ban muñeˈe ummu kaŋen káli kata Ateemit, min anaak al̥aw boot li alolaal.

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Galasi 4:4

Bale nan taŋayi yan Ateemit asenumuu éliiŋumuu, li áboñul Añoolool. Anaale abukool, ban li alako li kuŋen kata Eluwaayi yata Móyiis.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

Kata Kolos 2:13

Naanaŋ, bukuluul jiketenket mata uhoofoolawu wooluul úji, ban foof mata jilakowut bukan kata Ateemit. Muñeˈe Ateemit lasenuusen buloŋ mata hujokoolahu hooluul li Kilisita húji, ban li abonket uhoofoolawu woololaal feh.

1 Kata Tesalonik 5:9

Mata, Ateemit akaanutolaal to boot min ubil ubujaal katek li etindihuuñayi yoola, bale min úbajumaal kafakaku li Amaaŋenawu oololaal Yéesu Kilisita.

1 Tímote 1:9

Uhaasaal wahawu unwe: eluwaayi ekaanuti boot li bukan kakaane majake, bale ekaanikaan to boot li kákaanikoolemuu li kákaaneliitumuu loon elobumuu. Ekaanikaan to boot li kákoliwutumuu Ateemit li kuhoofoolaaku, boot li bukanabuku kaluukenutumuu Ateemit li wahawu wanabaawu. Ekaanikaan to foof boot li kamukemuu situubayiil mantee foof sijaawiil, boot li kumuka bukan.

Eleetalayi yan Fool akiicumuu Tit 2:12

Ateemit li kájiyaku unku laliikenumolaalumuu etey bakaanelabu bajakutumuu li kásiibowaku kata adunaayi inye, min uloŋaal li adunaayi inye buloŋ bata bukan kabaje uyinum ban li kucol, buloŋ bata kátuul Ateemit.

Eébulo 8:3

Li mal̥egenamu, álamba áamak anoowan lakaanikaan to boot kasen busuuhen li kakaan kasila, wahawu unwu újimuu álambaawu oololaal áamakawu laate foof abaj wah wan aate asen.

Eébulo 9:26

Letumuu mo, kama fan álaameen ñameeŋe kábilum nan adunaayi ejuul̥imuu. Li mal̥egenamu, Kilisita lálaŋuulaŋul ñano ban kale muñeˈe, nan adunaayi ebanumee, boot kasenoolo okila humumool loon kasila, boot káfulen kahoofoolaku.

1 Fiyeel 1:20

Ateemit lafinfin min al̥use Kilisita akat to boot li wahawu unwu, tówum adunaayi ejuul̥i, ban li áhiisenool muñeˈe li taŋaye ébanumaye, boot li majakaamu mooluul.

2 Fiyeel 3:7

Emitayi inye li etaamayi inye, so, Hulimahu hanolahu hata Ateemit hukaakat so to boot bil li hunakahu nan kulatoolaaku kata Ateemit kommuu li kutiibi min kubaj katek boot nanoonan. Hunakahu unhu, emitayi li etaamayi fan siniileni li sambun.

Eleetalayi yan Súd akiicumuu 1:15

boot batiib bukanabuku feh, min akaan bukanabuku feh kátuulutumuu Ateemit kúnaanum kaanaku fan kúbajum katek li bújakaatiyabu booliil li wahawu feh wajakutumuu wan kukaanumuu, li kulimaku feh kajakutumuu kan kuhoofoolaabuku umbuku kátuulutumuu Ateemit kulobumuu kuya li akila.»

Eleetalayi yan Súd akiicumuu 1:18

Koonuusoon: «Li húbanumahu hata taŋayi, fan baj bukan kacencengene, ban li kunaak kuloŋ loon súumiilumuu ban kúkoliwut Ateemit.»

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.