Kulokaabuku li koonool: «Mata bajut an áŋaloli jijow jilokool.» Anáyinaawu li aaniil: «Yoo, kama bukuluul foof jijow jilok li bul̥ibabu búmbaam bata úbiiñawu.»
Kata Efées 2:11 - Jola-Kasa Kusuwifaku kubabbaj húhaasum hata katey búkut li siniilasu sooliil, ban li kunaak kuhooñoolo «bukanabuku kateyumuu búkut.» Bukuluul li kabukiyaku kooluul, jilet Kusuwif. Jibajut li siniilasu sooluul húhaasumahu han Kusuwifaku kubajumuu, ban li kunaak kuhooñuul «bukan kateyut búkut.» Joote kama jiwayil̥o waa jilakoweenumuu naanaŋ. |
Kulokaabuku li koonool: «Mata bajut an áŋaloli jijow jilokool.» Anáyinaawu li aaniil: «Yoo, kama bukuluul foof jijow jilok li bul̥ibabu búmbaam bata úbiiñawu.»
Bukanabuku kata Isilayeel kunokoonokoo loon bunuunuken ban koone óliibiye bal̥uki, ban Ateemit li afalen waan wakee wata bo. Awu jaletumuu asuwif li unokoo li kaan kata bunuunukenabu umbu ban koonemuu óliibiye bata li bujal. Ateemit li aŋali ajow akoten li kújonkoonaku kata waanawu wafalenimuu wata búwoliibiyaabu bal̥ukimuu. Muñeˈe luyilo úloŋum li waanawu unwu li húsimahu habilummuu li kuhaalaku kata búwoliibiyaabu umbu bal̥ukimuu.
Nokoomuu loon an ateyut búkut akaane loon eluwaayi elobumuu, waa, Ateemit let ajokool loon an ateye búkut?
Anawu ummu ateyutumuu búkut, ban li akaan loon eluwaayi elobumuu feh fan atiibi, awu, ammuu asuwif ban úkaaneliit loon eluwaayi elobumuu, maayeet min ubaj yomuu makiice ban li utey búkut.
Jihaase kaanaku nan jilakowutumuu ekelecen, jibuutobuuto bata kuteemitaku kaletumuu mal̥egen, kayilaatumuu kúlobul maayeet.
Ban muñowu kukee li bukuluul kunokoo nomuu. Bale Ateemit oololaal lafoffos kahoofoolaku unku áfulen li bukuluul, min akaanuul to boot li akila. Li akaanuul jilako bukan kacole li kajaw kata Amaaŋenawu li Buyinumabu boola.
Alolaal humumolaal sibukoolawolaal kusuwif koom. Bukanabuku kaletumuu kusuwif kuhoofoola koom. Ufúlumulootaal li buko.
Jinaanaak jiloŋ buloŋ bata kahoofoo loon bukanabuku kata adunaayi inye kuloŋemuu. Jinaanaak jiloŋ loon anahaanawu ata uyinumawu wajakutaawu wammuu haatiya, afañumuu. Anahaanawu ummu akila ammuu Sayitaane, ammuu muñeˈe li bulok li uyinumawu wata bukanabuku kátuulutumuu Ateemit.
Naanaŋ, bukuluul li élim jilakowe, bale muñeˈe bukuluul jumbuku li mawuŋaamu mata Amaaŋenawu. Jiloŋ loon bañiil báami li mawuŋe.
Li mal̥egenamu, alolaal uteyaalumuu búkut li mal̥egen, inti buko, mata alolaal umanenaalemuu Ateemit li búlambenum bata Buyinumabu boola, li úsangoolumaal li Yéesu Kilisita, ban ubajutaal kákangum li wah wan an akaane,
Naanaŋ bukuluul jíloyiyenloyi Ateemit ban li jilako kulatoolawool, mata uyinoolawu wooluul ujakut, bakaanelabu booluul foof bujakut.
Li Yéesu Kilisita bukuluul jíteyenumimuu búkut, kateyen búkut kan kaŋen kata an kukaanut, bale li Kilisita kubilumulo ban to láfulenummuu wahawu wakaanemuu eniilayi ehoofoo.
Naanaŋ, bukuluul jiketenket mata uhoofoolawu wooluul úji, ban foof mata jilakowut bukan kata Ateemit. Muñeˈe Ateemit lasenuusen buloŋ mata hujokoolahu hooluul li Kilisita húji, ban li abonket uhoofoolawu woololaal feh.