Kata Lom 2:27 - Jola-Kasa

²⁷ Anawu ummu ateyutumuu búkut, ban li akaan loon eluwaayi elobumuu feh fan atiibi, awu, ammuu asuwif ban úkaaneliit loon eluwaayi elobumuu, maayeet min ubaj yomuu makiice ban li utey búkut.

Kata Lom 2:27 Referencias Cruzadas

Máciya 3:15

Bale Yéesu li aan Saŋ: — Awu ufan ukat bo min úbatiisewom, mata muñaˈa lóotimuu ukaanaal min nab loon Ateemit afañumuu. Mal̥egen Saŋ li akat bo min ábatiise Yéesu.

Bakaanelabu 13:22

Nan Ateemit ahoyumuu Sáayul aban, li al̥us Dayit alako áyiiyawu ooliil, ban li alobiil moola aaniil: “Lijuujuk Dayit, ata Jes. Lakankaan ánayine ásuumom, fan akaan wahawu feh wan ifañumuu min akaan.”

Kata Lom 13:10

An áboolimuu an, let akaanool majakut. Ubóolimuu bukan, kama lukankaan loon eluwaayi elobumuu feh.

Kata Lom 2:15

Fan kúhiisum to kaanaku bakaanelabu ban eluwaayi efañumuu, bukiicikiic li uyinumawu wooliil. Uyinumawu wooliil ulollob wahawu wanolawu, ban uyinoolawu wooliil li unaak wooniil nakee kukaanut jak, naanu li wooniil kukankaan jak.

Kata Lom 2:20

Li utebenoolo mata min ommuu aliikena ata bukan kahaasut wahoowah, anahaanawu ata bañiilabu, mata lúyinenyinen kaanaku eluwaayi esenimuu kahaasemiñaku, ban li ekaani min uhaas mal̥egenamu.

Kata Lom 2:25

Li mal̥egen unaakumuu ukaan loon eluwaayi elobumuu, búkutabu ban uteyumuu fan bubaji jáliŋ, bale unaakutumuu ukaan loon eluwaayi elobumuu, maayeet min uteye búkut lunokoonokoo loon an ateyut búkut.

Kata Lom 2:26

Nokoomuu loon an ateyut búkut akaane loon eluwaayi elobumuu, waa, Ateemit let ajokool loon an ateye búkut?

Kata Lom 2:29

Asuwif ata mal̥egen, wahawu wayolomuu kata láalawool újimuu li aani asuwif laam. Katey búkut kata mal̥egen, ko kommuu kata buyinumabu, kabilummuu li Buyinumabu bata Ateemit, bale let kabilummuu li eluwaayi yakiicimuu. Asuwifawu ummu ata mal̥egen, let ábajum kasal li bukanabuku, bale fan ábajum kó li Ateemit.

Kata Lom 3:30

Li mal̥egenamu, Ateemit ano bale abaje. Okila ammuu li akaan kusuwifaku kulako bukan kacole hákilool, humum hata káyinenaku kooliil, li akaan foof bukanabuku kaletumuu kusuwif kulako bukan kacole hákilool, humum hata káyinenaku kooliil.

Kata Lom 8:4

Ateemit lakankaan loon muñaˈa mantee macolamu man eluwaayi elobumuu mata mo, li mubaj li alolaal jáloŋeliitaamuu naboo li bóonowabu boololaal, bale jaloŋaalemuu loon Buyinumabu Banabaabu bufañumuu.

1 Kata Koolent 7:19

Utey búkutoo, uteyut búkutoo, bajut jáliŋ. Wahawu wabajumuu jáliŋ wo wommuu kátuul kulimaku kata Ateemit.

2 Kata Koolent 3:6

Okila ákaanolimuu min jiyili jilako kuloka kata húfaalumahu huwunkulahu. Húfaalumahu unhu hubilumut li eluwaayi yakiicimuu, bale li Buyinumabu Banabaabu hubilumulo. Li mal̥egenamu, eluwaayi yakiicimuu emukemuk, bale Buyinumabu Banabaabu busenesen buloŋ.

Kata Galasi 5:14

Li mal̥egenamu, Eluwaayi foof yo feh, li hulim hano bale eŋali kaan. Ho hommuu unhe: «Ufañ afaali an loon awu humumi ufañoolomuu.»

Kata Efées 2:11

Kusuwifaku kubabbaj húhaasum hata katey búkut li siniilasu sooliil, ban li kunaak kuhooñoolo «bukanabuku kateyumuu búkut.» Bukuluul li kabukiyaku kooluul, jilet Kusuwif. Jibajut li siniilasu sooluul húhaasumahu han Kusuwifaku kubajumuu, ban li kunaak kuhooñuul «bukan kateyut búkut.» Joote kama jiwayil̥o waa jilakoweenumuu naanaŋ.

2 Tímote 3:15

Li mal̥egenamu, yaan no li huñiileyi luhaase Bakiicelabu Banabaabu. Buyilo buseni bújallo baate bújiyi li úyinen li Yéesu Kilisita min ufak.

Eébulo 11:3

Káyinen kújimuu li únaanumaal kaanaku adunaayi li Hulimahu hata Ateemit ejuul̥umi, min lako wahawu wajukeyimuu li wah wájukoliiti úkaanumi.