Let imit ihooñuul kuloka, mata aloka áhaaseliit wahawu wan anahaanawu oola akaanemuu. Lihooñuuhooñ kubukewom mata likaanuukaan min jihaas wahawu feh wan iliikenulomuu li Atuubawom.
Hulimahu Hásuumaahu loon Saŋ akiic homuu 8:26 - Jola-Kasa Libabbaj wah wameeŋe elob mooluul, li wah wameeŋe wan éemi li itiibumuul mata wo. Bale anawu áboñulommuu an alobe mal̥egen, ban ínje wahawu wan íjamummuu li akila wo lilobemuu adunaayi. |
Let imit ihooñuul kuloka, mata aloka áhaaseliit wahawu wan anahaanawu oola akaanemuu. Lihooñuuhooñ kubukewom mata likaanuukaan min jihaas wahawu feh wan iliikenulomuu li Atuubawom.
«Libajeene kulim kameeŋe kan eeteen ilobuul, bale let jiyili jiŋa’ ko feh muñeˈe jikaan li uyinumuul mata kuhaŋuuhaŋ sembe.
Mata liseniisen kulimaku kan usenommuu, ban kuyayyab ko. Kuhaase li mal̥egenamu koon ínje li awu lífulumulo, ban kúyinenyinen koon awu úboñulom.
Yéesu li aanool: — Lilollob ihant hákil ésukayi feh. Linaanaak iliiken bukanabuku li siluufasu sata kal̥awaku feh kuwoogemuu, ban bajut wah wan ilobe li huyoloo.
Li mal̥egenamu fan ilobi: áloli jilobelob wah wan jihaase, li jilob wahawu wan jijukumuu. Bale bukuluul jifañut jíyinen wahawu wan jilobuulumuu.
Yéesu li aaniil: — Wahawu wan iliikenemuu ubilumuloot lí ínje, bale li Ateemit áboñulommuu ubilumulo.
Muñeˈe Yéesu li alako buliiken bukanabuku li Eluufayi yata Ateemit, li alob butiya aan: — Jihaase li mal̥egenamu ínje emmuu ayi! Jihaase bay libilumulo! Ibilumut li kajaw kúmbaam ínje humumom. Anawu áboñulommuu, an alobe mal̥egen. Bukuluul jihaasutool.
Muñeˈe li kugel̥l̥enool koonool: — Awu ommuu ayi? Yéesu li aaniil: — Anawu an ifimmuu min ilobuul yaan no li húkitumahu.
Bale muñeˈe bukuluul jumbuku li huŋes jamukom, ínje jalobuulumuu mal̥egenamu man íjamummuu li Ateemit, ban Abulaham okila akaanut loon bukuluul.