Hulimahu Hásuumaahu loon Saŋ akiic homuu 7:28 - Jola-Kasa

²⁸ Muñeˈe Yéesu li alako buliiken bukanabuku li Eluufayi yata Ateemit, li alob butiya aan: — Jihaase li mal̥egenamu ínje emmuu ayi! Jihaase bay libilumulo! Ibilumut li kajaw kúmbaam ínje humumom. Anawu áboñulommuu, an alobe mal̥egen. Bukuluul jihaasutool.

Hulimahu Hásuumaahu loon Saŋ akiic homuu 7:28 Referencias Cruzadas

Máciya 11:27

«Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Máciya 2:23

Suseef li ajow akin bo, li ésuk yan koone Nasalet, bájum wahawu wan kufulofetaku kulobumuu li ubaj loon kulob womuu: «Fan ahooñi an ata Nasalet.»

Máciya 26:55

Fúlum tó, Yéesu li aan búsukabu: — Waa, jibil boot kajokom li síkundu li sigol ló loon eenimuu ínje ákuu? Hunakoohunak linaanaak ibah li Eluufayi yata Ateemit, min inaak iliiken bukanabuku mata Ateemit, ban jijokutom.

Hulimahu Hásuumaahu loon Lík akiic homuu 10:22

Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Hulimahu Hásuumaahu loon Lík akiic homuu 2:11

Afakena, Amaaŋenawu.

Hulimahu Hásuumaahu loon Lík akiic homuu 2:39

Nan sibukoolaasu sata Yéesu sikaanumuu siban wahawu feh wan eluwaayi.

Hulimahu Hásuumaahu loon Lík akiic homuu 2:4

Suseef foof li áfulumul li ésukayi yata Nasalet li etaamayi yata Gálile, min ajow boot li etaamayi yata Súde li ésukayi yaaneyimuu Betilehem ban áyiiyawu Dayit abukimuu; mata Suseef humumool lalakolako bubukolum bata Dayit.

Hulimahu Hásuumaahu loon Lík akiic homuu 2:51

Fúlum tó, Yéesu li akaan loon kuloboolumuu, min anab li buko kulaañ boot Nasalet. Jaawool li aŋa’ wahawu wabajumuu feh akaan li buyinumool.

Hulimahu Hásuumaahu loon Saŋ akiic homuu 1:46

Natanayeel li aanool: — Kama wah wajake uyilo úfulumul li ésukayi yata Nasalet? Fílib li aanool: — Ubil, fan ujuk.

Hulimahu Hásuumaahu loon Saŋ akiic homuu 10:36

Injé, Atuubaawu al̥usom, ban li áboñulom li adunaayi. Waa wommuu lí úji, li joon ligeggel Ateemit mata min eenumuu: “Injé emmuu Añiilawu ata Ateemit”?

Hulimahu Hásuumaahu loon Saŋ akiic homuu 12:49

Mata kulimaku kan ilobumuu kubilumuloot lí ínje, bale li Atuubaawu áboñulommuu kubilumulo. Lalobonlob okila humumool wahawu wan éetimuu ilob, li wan éetimuu iliiken bukanabuku.

Hulimahu Hásuumaahu loon Saŋ akiic homuu 14:10

Kama úyinenut kaanaku ínje ummu li Atuubaawu, ban Atuubaawu ummu lí ínje? Kulimaku kan ilobuulumuu kubilumut lí ínje humumom. Bale Atuubaawu ammuu lí ínje, okila humumool akaane bulokool.

Hulimahu Hásuumaahu loon Saŋ akiic homuu 14:31

bale adunaayi yoote ehaas yoon lifanfañ Atuubaawu, ban wahawu wan ikaanemuu wo Atuubaawu aanommuu ikaan. Jiyito, úfulaal taate!»

Hulimahu Hásuumaahu loon Saŋ akiic homuu 16:3

Ban fan kukaan mo mata kuhaasut Atuubaawu, kuhaasutom foof.

Hulimahu Hásuumaahu loon Saŋ akiic homuu 17:25

Faafa, awu jacolumuu, adunaayi ehaasuti, bale ínje lihaasi, ban umbuke kuhaase koon awu úboñulom.

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

Hulimahu Hásuumaahu loon Saŋ akiic homuu 3:2

Li líiŋ hanak hukee, li abil li huk ajuk Yéesu min aanool: — Anahaan, jihaase joon Ateemit áboñuli boot káliikenoli Hulimahu hoola. Mata bajut an ayilo akaan búhiisenumabu umbu bájaahaleni muñowu ban ukaanemuu, Ateemit balet li akila.

Hulimahu Hásuumaahu loon Saŋ akiic homuu 3:33

Li mal̥egenamu, an áyinenumuu li kulimaku koola, láhihhiis kaanaku Ateemit lakankaan Ateemit alobe mal̥egen.

Hulimahu Hásuumaahu loon Saŋ akiic homuu 5:32

Bale akee alobe múmbaam, ban lihaase een wahawu wan alobumuu aya lí ínje mal̥egen.

Hulimahu Hásuumaahu loon Saŋ akiic homuu 5:43

Injé li kajawaku kata Atuubawom libilumulo, li jihoy bayabom. Bale akee abilummuu li kajawaku koola humum ko, fan jiyabool.

Hulimahu Hásuumaahu loon Saŋ akiic homuu 6:42

Li kunaak koon: — Kama kele inti okila ammuu Yéesu, añiilawu ata Suseef? Luhaasaale jak atuubawool li jaawool! Buu layilo aan muñeˈe li emitayi láwalowumulo?

Hulimahu Hásuumaahu loon Saŋ akiic homuu 7:14

Nan kagaanaku kujowumuu kúliiŋ li tut, Yéesu li ajow boot li Eluufayi yata Ateemit ajow alako ló kaliiken bukanabuku.

Hulimahu Hásuumaahu loon Saŋ akiic homuu 8:14

Yéesu li aaniil: — Maayeet min kite eenimuu li kajawom humum ko lílobume, bale wahawu wan ilobumuu mal̥egen, mata lihaase bay libilumulo, li bay lijowe boot. Bale bukuluul jihaasut bay libilumulo, li bay lijowe boot.

Hulimahu Hásuumaahu loon Saŋ akiic homuu 8:16

Ban éetimuu itiib an, fan itiibool nab li mal̥egenamu, mata ilet liwoonom, bale Atuubaawu áboñulommuu ummu lí ínje.

Hulimahu Hásuumaahu loon Saŋ akiic homuu 8:19

Kufaaliisiyeŋaku li koonool: — Kama Atuubayi ummay? Yéesu li aaniil: — Jihaasutom, ban jihaasut Atuubawom. Jihaaseenommuu, fan jihaaseen foof Atuubawom.

Hulimahu Hásuumaahu loon Saŋ akiic homuu 8:26

Libabbaj wah wameeŋe elob mooluul, li wah wameeŋe wan éemi li itiibumuul mata wo. Bale anawu áboñulommuu an alobe mal̥egen, ban ínje wahawu wan íjamummuu li akila wo lilobemuu adunaayi.

Hulimahu Hásuumaahu loon Saŋ akiic homuu 8:42

Yéesu li aaniil: — Ateemit aameenumuu li mal̥egen Atuubawuul, faneen jifañom, mata li Ateemit libilumulo, ban akila léemum taate. Ibilumut li kajawom humum ko, bale akila áboñulom.

Hulimahu Hásuumaahu loon Saŋ akiic homuu 9:29

Jihaase joon Ateemit lalollob li Móyiis, bale anawu ummu jihaasut bay labilumulo!

Bakaanelabu 17:23

Mata lilakolako kañaahoo li ésukayi yooluul, li ijuk wahawu wooluul wáñeyimuu tan jimanenemuu kuteemitaku kooluul. Li ijuk foof husila tan kiice kulimaku unke: «Unte boot li ateemit ahaasuti.» Yoo! wahawu wan jimanenemuu ban jihaasut wo, wó ínje ibilumuu kalobuul mata wo.

Kata Lom 1:28

Emmuu bukanabuku kuyinoolut kahaas li mal̥egen Ateemit, wahawu unwu újimuu Ateemit li akatiil min kunab li uyinoolawu wooliil wacolutumuu, min kunaak kukaan wahawu wan kooteenutumuu kukaan.

Kata Lom 3:4

Maayeet! Anoowan laate ahaas jak kaanaku Ateemit lakankaan Ateemit ata mal̥egenamu, ban ál̥ahukowan anoowan lakankaan ámalamiñ. Li mal̥egenamu, bakiicelabu bonsoon: «Loote újokumi an acole li balobelabu booli; ban li ubaj bakooŋ awu batiibeli.»

2 Kata Koolent 1:18

Ateemit lahaase aan kulimaku kan jilobuulumuu bajut ló «éehe’» li «a’aa’» li mano.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

Eleetalayi yan Fool akiicumuu Tit 1:2

Leete ikaan mo mantee li kubaj kákangumaku kata buloŋabu bábaneliitumuu. Ateemit ámaleliitumuu, lansaan tówum taŋ yanooyan éliiŋ, fan asenolaal buloŋabu umbu.

Eébulo 6:18

Mo emmuu baje wah úl̥uba wan Ateemit akaane: wahawu wan alobumuu kasen, li hunuulahu han anuulumuu. Wahawu unwu úl̥uba an ayilaat wo áfulen mata Ateemit ayilaat ámal. Wó újimuu li ubajaal kawankulen kabaje sembe, alolaal akataal bomuu waholaal feh min ujokaal li kákangumaku kan kusenolaalumuu.

1 Saŋ 5:10

An áyinenumuu li Añiilawu ata Ateemit, anawu ummu láyinenyinen li hulimahu unhu. An áyinenutumuu li Ateemit, anawu ummu lajoojok Ateemit ámalamiñ, mata áyinenut li kulimaku kan Ateemit alobumuu mata Añoolool.