Hulimahu Hásuumaahu loon Saŋ akiic homuu 3:25 - Jola-Kasa Muñeˈe kukee li kúgoomaku kata Saŋ li kulako búwonnoo li Asuwif akee mata kágiilen. |
Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.
Muñeˈe Yéesu li afamen aaniil: — Bukuluul fan jinaak jikat bo wahawu wan eluwaayi yata Ateemit elobumuu, min jinaak jinab li makaane mata bukan.
Muñeˈe li baj to úlolum woono hutok li kano wayijumi li kugisa, wan Kusuwifaku kunaake kuŋa’ min kukaan dó mal boot naak kágiilen loon bútinabu booliil bulobumuu. Kanookan li wo, kuyilo kubaj síliital soono téemeel.
buliiken mata kábatiise li mata kawalen kuŋen li húkow hata an min l̥aw, mata kayitowul li eketayi li mata batiibabu bata boot nanoonan.
Uŋoonawu unwu wata mata hutiñ bale, mata ehob li mata múkaaniin mata kágiilen. Laalu uŋoon wata ál̥ahukowan walako to boot yok nan Ateemit akaanumuu wahawu feh úbuti.
Tookumuu min wambuwawu unwu wata mal̥egenamu mammuu li emitayi úgiilenumi li usila loon muñowu, kama mal̥egenamu humum mo mammuu li emitayi moote múgiilenumi li usila wahaŋe majak unwu.
Laalu búhiisenum bata kábatiisaaku kafakenuulumuu muñeˈe. Kábatiisaaku unku kulet kata kúfulen ñikonañu ñata eniilayi, bale kata kasenoolo boot li Ateemit li buyinum bajake. Li kufakenuul humum hata kayitowulaku kata Yéesu Kilisita li eketayi.