Bale ínje foof boot min eeni, awu ommuu Fiyeel, húlankiinahu. Li húlankiinahu unhu léemimuu li iteef Ejanguwayi yúmbaam. Sembaasu sata eketayi let siyili li Ejanguwayi inyu wahoowah.
Eébulo 3:3 - Jola-Kasa An ateefumuu eluuf, anawu ummu fan ahaŋ maluukeni eluufayi humum yo. Mó mújimuu, Yéesu li atook min máyiineniyamu moola muhaŋ mata Móyiis. |
Bale ínje foof boot min eeni, awu ommuu Fiyeel, húlankiinahu. Li húlankiinahu unhu léemimuu li iteef Ejanguwayi yúmbaam. Sembaasu sata eketayi let siyili li Ejanguwayi inyu wahoowah.
Li mal̥egenamu, áloli kuloka joom kálokume dín dáno boot li Ateemit, bukuluul li jóomi kal̥aakaku kata Ateemit. Bukuluul jommuu eluufayi yata Ateemit.
Eluwaayi ekiicikiic li kúlankiin kayiji. Móyiis li alako aloka ata eluwaayi inyu yamukemuu. Bale maayeet mo, bulokabu umbu bata Móyiis li busenool máyiineni máamak, gay bañiilabu bata Isilayeel kuyilaat kujukelool li buul, humum hata kaleñaku kata buulabu boola, maayeet min kite eenimuu máyiineniyamu ummu let mufiyo.
Okila ammuu húkowahu hata eniilayi yáamimuu Ejanguwayi; okila ammuu húkitumahu, okila ajandumuu ayitowumul li eketayi, bájum li ahaŋ wahoowah feh.
Ban lujukaale kaanaku Ateemit lakankaan min emalakaayi efan ehaŋ jatit Yéesu, bale muñeˈe labaje máyiineni ban li aluukeni, humum hata eketayi yan aketumuu li sílaam ló. Wahawu unwu újimuu Yéesu li ajaken eketayi boot kafaken bukanabuku feh, humum hata kájiyaku kata Ateemit.
Li mal̥egenamu, eluuf yanooyan ebaje an ateef yo, bale anawu ateefumuu wahawu feh, okila ammuu Ateemit.
Bale Kilisita lakankaan wahawu feh wan áatimuu akaan, loon ammuu Añiilawu an kukatumuu eluufayi yata Ateemit aaken. Ban alolaal oomaalumuu eluufayi yata Ateemit, nokoomuu loon lútukaatuk jak li káwooluwaku li kákangumaku kan súumolaamuu li ko.