2 Kata Koolent 3:7 - Jola-Kasa

⁷ Eluwaayi ekiicikiic li kúlankiin kayiji. Móyiis li alako aloka ata eluwaayi inyu yamukemuu. Bale maayeet mo, bulokabu umbu bata Móyiis li busenool máyiineni máamak, gay bañiilabu bata Isilayeel kuyilaat kujukelool li buul, humum hata kaleñaku kata buulabu boola, maayeet min kite eenimuu máyiineniyamu ummu let mufiyo.

2 Kata Koolent 3:7 Referencias Cruzadas

Bakaanelabu 6:15

Muñeˈe bukanabuku feh kalakomuu li Hujojahu háamakahu, li kuŋa’ kúkiliil feh kuya li Ecen. Li kujuk koon buulabu bata Ecen bunokoonokoo loon bata amalaka.

Kata Lom 10:4

Li mal̥egenamu, Kilisita lakankaan wahawu feh boot to wan eluwaayi yata Móyiis elobumuu, mantee bukanabuku feh kammuu li kúyinen li akila, li kulako bukan kacole hákil Ateemit.

Kata Lom 4:15

Li mal̥egenamu, eluwaayi éjiyemuu Ateemit li awuñet bukanabuku. Tan eluwa ebajut, káhoogul eluwa foof let kubaj to.

Kata Lom 5:20

Eluwaayi ebiibil, kahoofoolaku li kuhaŋ mameeŋ, bale tan kahoofoo kumeeŋe, kabonketaku kata Ateemit fan kuhaŋ to maluuk.

Kata Lom 7:10

mín ínje iket. Muñowu eluwaayi yaateenumuu éŋalul buloŋ, éjowetumommuu li eket.

Kata Lom 7:22

Kata láalawom, eluwaayi yata Ateemit ésuumonsuum ŋáa’.

Kata Lom 7:5

Li mal̥egenamu, nan unaake uloŋaalumuu loon ufañaalumuu, eluwaayi enaanaak eyitenul kásiibowaku kajakutumuu kata eniilayi yoololaal. Kásiibowaku unku li kújiwolaal li ukaanaal wah wáŋalewul eket.

1 Kata Koolent 13:10

Bale nan Ateemit ammuu li akaanolaal únaanumaal wahawu feh, wahawu wánaanumimuu muñeˈe tíj, fan újim.

2 Kata Koolent 3:3

Hihhiit kaanaku bukuluul eleetal joom yan Kilisita akiice aban, li ásenoli yo jiboñ. Let li elankal ekiicumi, bale li Buyinumabu bata Ateemit aloŋumuu ekiicumi. Ekiicuti li kúlankiin kayiji, bale ekiicikiic li uyinum wata bukan.

2 Kata Koolent 3:6

Okila ákaanolimuu min jiyili jilako kuloka kata húfaalumahu huwunkulahu. Húfaalumahu unhu hubilumut li eluwaayi yakiicimuu, bale li Buyinumabu Banabaabu hubilumulo. Li mal̥egenamu, eluwaayi yakiicimuu emukemuk, bale Buyinumabu Banabaabu busenesen buloŋ.

2 Kata Koolent 3:8

Fan bulokabu bata eluwaayi bufane búyiineni, naane bata Buyinumabu inti fan buhaŋ máyiineni ŋáa’?

Kata Galasi 3:10

Li mal̥egenamu, bukanabuku feh kajokumuu li wahawu wan eluwaayi elobumuu kakaan, Ateemit fan atekiil. Bakiicelabu bonsoon li mal̥egenamu: «Katek kujow kulako li anoowan feh anaakut akaan wahawu feh wakiicimuu li éliibalayi yata eluwaayi.»

Kata Galasi 3:21

Waa, mantee wahawu unwu uyilo úji li lako kama eluwaayi éhooguuhoogul wahawu wan Ateemit alobumuu kasen Abulaham? Maayeet, inti mo. Nokoomuu loon babbaj eluwa yaseni yayilo ekaan bukanabuku kuloŋ, kama yo yommuu Ateemit layilo ajok an loon an acole humum hata eluwaayi.

Eébulo 12:18

Li mal̥egenamu, bukuluul inti wah wan an ayilo ago’ jilohe, inti sambun sátife, inti emooc, inti foof élim, inti búlus,

Eébulo 3:3

An ateefumuu eluuf, anawu ummu fan ahaŋ maluukeni eluufayi humum yo. Mó mújimuu, Yéesu li atook min máyiineniyamu moola muhaŋ mata Móyiis.

Eébulo 9:4

Dó úndu dán haŋumuu máñeyi, baj ló husila mulakowe. Li baj li ekeesayi inyu foof hunukahu hata Aaloŋ habile húlunfenumuu, li kúlankiinaku kayijimuu nokoo loon ubabbalu dán siluwaasu sata húfaalumahu sikiicimuu.