1 Kata Koolent 3:9 - Jola-Kasa

⁹ Li mal̥egenamu, áloli kuloka joom kálokume dín dáno boot li Ateemit, bukuluul li jóomi kal̥aakaku kata Ateemit. Bukuluul jommuu eluufayi yata Ateemit.

1 Kata Koolent 3:9 Referencias Cruzadas

Máciya 15:13

Yéesu li aaniil: — Anuunuken anoowan an Atuubawom ammuu haatiya al̥ukut, fan aluuci.

Máciya 16:18

Bale ínje foof boot min eeni, awu ommuu Fiyeel, húlankiinahu. Li húlankiinahu unhu léemimuu li iteef Ejanguwayi yúmbaam. Sembaasu sata eketayi let siyili li Ejanguwayi inyu wahoowah.

Máciya 9:37

Muñeˈe li aan kúgoomaku koola: — Emaanaayi yaalumuu boot ecac emeeŋe ŋáa’, bale kucacaaku kufamut.

Maak 16:20

Mal̥egen kúgoomaku li kujow kuwaale Hulimahu Hásuumaahu tanootan. Amaaŋenawu li álokum li buko, min áhiis kaanaku kulimaku kan kulobemuu mal̥egen, li búhiisenum bájaahaleniye banaake bunaboo li ko.]

Bakaanelabu 4:11

Yéesu akila Bakiicelabu bulobumuu moola boon: «Huyitikahu han bukuluul kuteefaabuku jihoyumuu, ho hubile hulakomuu huyitikahu hútinaalahu.»

1 Kata Koolent 3:16

Kama jihaasut joon bukuluul jommuu eluufayi yata Ateemit, imban Buyinumabu bata Ateemit li bukuluul bukine?

1 Kata Koolent 3:6

Injé lil̥uul̥uk, Afolos li aloose, bale Ateemit akaane min l̥iil.

1 Kata Koolent 6:19

Kama jihaasut joon eniilayi yooluul yommuu eluufayi yata Buyinumabu Banabaabu báamimuu li bukuluul, ban Ateemit asenuulumuu? Jikiloolowut bukuluul humumuul.

2 Kata Koolent 6:1

Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to.

2 Kata Koolent 6:16

Hujamoo buu huyilo hubaj li tutoo eluufayi yata Ateemit li úciinawu? Li mal̥egenamu, alolaal oomaalumuu eluufayi yata Ateemit aloŋumuu; mata loon Ateemit humumool alobumuu: «Fan ikin, ban li iloŋ li tutiil. Fan ilako Ateemit ooliil, ban buko fan kulako bukanabuku kúmbaam.»

Kata Efées 2:10

Li mal̥egenamu, Ateemit akaanolaal loon oomaalumuu, lakaanolaakaan búwuwenum buwunkul li hujokoolahu hoololaal li Yéesu Kilisita boot kakaan wah wajake, wan afimmuu min afaleˈe akat to, bájum li ukaanaal wo.

Kata Kolos 2:7

Jiya kuhaa’ kalite li akila, ban li jánkum li akila, min jihaŋ malit li káyinenaku kooluul loon kuliikenuulumuu. Jinaak jisal Ateemit ŋáa’.

1 Tímote 3:15

Bale nokoomuu loon íbilaaliwut, kulimaku unke fan kújiyi li uhaas buu lommuu uloŋ eeno li butoŋabu bata Ateemit, bammuu Ejanguwayi yata Ateemit aloŋumuu, yammuu yiilayi li ekuŋayi yakegumuu mal̥egenamu.

Eébulo 3:6

Bale Kilisita lakankaan wahawu feh wan áatimuu akaan, loon ammuu Añiilawu an kukatumuu eluufayi yata Ateemit aaken. Ban alolaal oomaalumuu eluufayi yata Ateemit, nokoomuu loon lútukaatuk jak li káwooluwaku li kákangumaku kan súumolaamuu li ko.

1 Fiyeel 2:5

Bukuluul humumuul jijokoolo loon kuyitik kaloŋe, ban li jikat Ateemit min aŋaluul min ateef eluuf dán Buyinumabu Banabaabu bukine, min jilako huwoog hata bukan káami élamba yakaani li kakaŋ boot li Ateemit, boot kakaanool kasila kabilumulo li Buyinumabu Banabaabu ban li kúsuumool humum hata Yéesu Kilisita.

3 Saŋ 1:8

Mó mújimuu alolaal lootaale uyabaal bukan loon umbuku, mantee li ulambenaaliil li bulokabu ban kommuu li kakaanaku min mal̥egenamu muhaasi.