1 Kata Koolent 3:10 - Jola-Kasa

¹⁰ Liloolok loon ateefa ata mal̥egen, naboo li kájiyaku kan Ateemit asenommuu, ban li iteef huteefahu huleeteemaahu, min akee áami li álakkenum li ho. Bale anoowan laate ajuke to min alakkenemuu eeno.

1 Kata Koolent 3:10 Referencias Cruzadas

Máciya 24:45

— Kama ayimaa ammuu aloka al̥egene ban li ájallo? Akila ammuu alokaawu an anahaanawu oola aŋa’muu kulokawool kaabuku asenool aaken, ánaakum aseniil hutiñiil taŋ yata hutiñ báliiŋe

Máciya 7:24

— Mó mújimuu, an ajamumuu kulimaku kúmbaam unku, ban li akaan loon ilobumuu, lanokoonokoo li an ájallowe, ateefe eluufayi yoola tin l̥aal̥e.

Hulimahu Hásuumaahu loon Lík akiic homuu 11:35

Mo emmuu kama úkaanum, jakum bil mawuŋaamu maanomuu li awu, mulaañ élim.

Hulimahu Hásuumaahu loon Lík akiic homuu 21:8

Yéesu li aaniil: — Jíkaanum, jakum bil an abuntuul. Mata bukan kameeŋ fan kubilum li kajawaku kúmbaam, min kunaak koon: «Injé emmuu Afakenaawu!» Ban «Taŋayi éliiŋulo!» Bale jakum jinab li buko.

Bakaanelabu 18:27

Fúlum tó, Afolos li abaj kayinoo kata ejow boot li etaamayi yata Akaay. Kutuyool kata káyineniil kano li kuwankulenool, ban li kukiic eleetal kuboñ bukanabuku káyinenumuu kata etaamayi inyu, bánum li kuyabool jak. Nan áliiŋ bómuu, li alamben ŋáa’ bukanabuku káyinenummuu li káji kata Ateemit,

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

Kata Lom 12:3

Boot min ilobuul humum hata kájiyaku kan Ateemit asenommuu eenuul: Jakum an li bukuluul atebenoolo ajow áliiŋ tan áliiŋut, bale jiwalenoolo li mayineluul, naboo li buu Ateemit aliikumuu káyinenaku kan asenuulumuu kule.

Kata Lom 15:15

Tin tameeŋe li eleetalayi inye, likiiculuukiic to kulim kal̥aal̥e, boot kawayil̥enuul wah wan jihaase. Likankaan mo, humum hata kájiyaku kan Ateemit asenommuu,

Kata Lom 15:20

Lijoojok min iwaale Hulimahu Hásuumaahu bale ban bukanabuku kujamutumuu an li alob mata Kilisita. Likankaan mo jakum bil iteef ilaken li huteef huleeteema han akee ateefe aban,

1 Kata Koolent 3:11

Li mal̥egenamu, bajut huteef hukee huleeteema han an ayilo ateef hábuto li han Ateemit akaan tomuu: hammuu Yéesu Kilisita.

1 Kata Koolent 9:2

Maayeet min kite eeni baje kukee kaane ilet afootal, bale bukuluul joote jihaas joon ínje afootal leem, mata bukuluul jammuu li Amaaŋenawu, bukuluul jíhiisumuu jak kaanaku ínje afootal.

2 Kata Koolent 10:15

Jilet foof li kasaloolo jijow jihaŋ tan jóotimuu jisaloolo jijow jikib, humum hata bulokabu ban kukee kukaane. Bale áloli jibaje kákangum kaanaku káyinenaku kooluul fan kuhaŋ malit, min áloli jiyili jikaan bulok bahaŋe maluuk li bukuluul, jow le tan áloli jóotimuu jikib.

Kata Efées 2:20

Joonosoono kuteef kateefi laken li kuteefaku kuleeteemaaku, kammuu kufootalaku, ban Yéesu Kilisita humumool li áami huyitikahu hatebumuu eluufayi foof yo feh.

Kata Kolos 1:29

Wahawu unwu újimuu li éemi li kahanken min itaj, mantee li iyili ihabel ikaan bulokabu umbu li sembaasu sata Kilisita, sammuu li kakaan bulok báamak lí ínje.

Kata Kolos 4:17

Imban li joon Alisif ajooŋoo to min akaan bulokabu jak, ban Amaaŋenawu asenoolumuu kakaan.

1 Kata Tesalonik 3:2

ban li jíboñuluul átuyolaal Tímote ammuu li bulok li áloli boot li Ateemit, li kawaaleyaku kata Hulimahu Hásuumaahu hata Kilisita. Jiboñulooboñ boot min alitenuul ban li awankulenuul min jijooŋoo to li káyinenaku kan jibajumuu li Yéesu,

1 Tímote 4:16

Ujuke to li awu humumi li baliikenelabu booli. Uhanken to jaj. Li mal̥egenamu, ukaanumuu loon muñaˈa, fan ufakenoolo awu humumi li bukanabuku kajanteneyimuu foof.

2 Tímote 2:15

Ukankaanoo awu humumi mantee Ateemit li ajoki an acole, min ajoki loon aloka asuuwut bulokabu ban akaanemuu, awaaleˈe col hulimahu hata mal̥egenamu.

Saak 3:1

Kutuyom, jakum bukan kameeŋe li bukuluul kulako kuliikena kata Hulimahu. Mata jihaase joon áloli jammuu kuliikena Hulimahu, Ateemit fan bil átiiboli haŋ másengi bukan kaabuku.

1 Fiyeel 4:11

An áakimuu káji kata elob, li anaak alob kulimaku kata Ateemit. An li áaki káji kata kalamben bukan, li akaan mo li sembaasu san Ateemit asenemuu, bájum Ateemit li ásalumi li wahoowah feh jówum li Yéesu Kilisita, akilumuu máyiineniyamu li sembaasu boot nanoonan. Aameen!

2 Fiyeel 3:15

Jihaas kaanaku húmuñahu hata Amaaŋenawu hújimuu bukuluul li jiyili jifak. Wahawu unwu atuyolaal Fool ammuu abukewolaal, akiiculuumuu li bújallowabu ban Ateemit asenoolumuu.

Búhiisenumabu 21:14

Huteefahu hata ésukayi li kúlankiin koono kuŋen li kúl̥uba huyitowe. Li kúlankiinaku unku, ujawawu wata kufootalaku kata Agálalaanawu, kukiic ló.

Búhiisenumabu 21:19

Kúlankiinaku kan kuŋalumuu kukaan hul̥unkumahu hata huteefahu hata ésukayi, li kuŋa’ bagisa banooban batiineniye ŋáa’ min kúsangen kó. Húlankiinahu hútinaalahu hata hul̥unkumahu hata huteefahu koone ho jasif. Húl̥ubutahu koone ho safiil. Húhaajutahu koone ho kaliseduwaañ. Hubakiilenahu ho koonemuu émolod.