Bakaanelabu 8:27 - Jola-Kasa

Fílib li ayaan ayito ajow. Nan alakomuu ejowayi, li ajuk ánayine akee áfulumulo li etaamayi yata Ecofi. Anáyinaawu ummu lakankaan an áamak li káyiiyaku kata Kandas, ammuu aseekenawu ata jáyiiyaju jata Ecofi. Anáyinaawu ummu an kusenumuu ebajayi yata Kandas aaken, okila babile kamanen Ateemit Yeelusalem.

Bakaanelabu 8:27 Referencias Cruzadas

Máciya 12:42

Li Hunakahu hata Batiibabu, Aseekenawu ata etaamayi yan koonemuu Seeba, fan ayito hákil bukanabuku kata muñeˈe min alob buu kuhoofoomuu eeno. Mata labilumbilum ban lóyiye ŋáa’, abil ajanten bújallowabu bata Salomoŋ. Ban baje taate wah wahaŋe Salomoŋ.

Hulimahu Hásuumaahu loon Saŋ akiic homuu 12:20

Muñeˈe li baj bukan kata Gilees li bukanabuku kabilumuu Yeelusalem kamanenaku kata Ateemit li hunakahu hata kagaanaku.

Bakaanelabu 8:28

Muñeˈe li alako elaañ bóot, mabahe li esaaletayi yoola min alako kajanga éliibalayi yata afulofetawu.

Eébulo 11:8

Káyinen kújimuu Abulaham li átuul nan Ateemit ahooñoolumuu boot áfu’ li ésukayi yoola, min ajow boot li etaamayi yan ammuu li asenool akil. Abulaham li ajow okila bahaasut bay lajeˈe boot.