Hulimahu Hásuumaahu loon Saŋ akiic homuu 12:20 - Jola-Kasa

²⁰ Muñeˈe li baj bukan kata Gilees li bukanabuku kabilumuu Yeelusalem kamanenaku kata Ateemit li hunakahu hata kagaanaku.

Hulimahu Hásuumaahu loon Saŋ akiic homuu 12:20 Referencias Cruzadas

Maak 7:26

Anaalaawu ummu an alet asuwif. Li etaamayi yan koonemuu Síilo Feniisi labuki. Anaalaawu li ayaakoo Yéesu mantee li akesoo buyinumabu bajakutumuu búfu’ li jísungutaaju joola.

Hulimahu Hásuumaahu loon Saŋ akiic homuu 12:1

Muñeˈe nan kagaanaku kata Faakayi yata Kusuwifaku kusaŋenumuu kunak hutok li hano, Yéesu li ajow boot Betani ban Laasaal an ayitenulumuu li eketayi akinumuu.

Hulimahu Hásuumaahu loon Saŋ akiic homuu 12:19

Muñeˈe Kufaaliisiyeŋaku li kunaak koonoo: — Inti jijuke, uyilaataal to wahoowah. Esúkayi feh ejowe enab li akila!

Hulimahu Hásuumaahu loon Saŋ akiic homuu 7:35

Kunahaanaku kata Kusuwifaku li kunaak kugel̥l̥enoo koon: — Kama sum bay lajeˈe boot, ban ootut uyiliyaal ujowaal utookaalool? Boot fíle min ajow boot bata bukanolaal kajowumuu kukin li kata Gilees, ajow aliiken bo kata Gilees?

Bakaanelabu 14:1

Muñeˈe nan Fool buko li Balunabaas kúliiŋumuu Ikóniyom, li kunoken foof li eluufayi yata kal̥awaku, min kuwaale Hulimahu hata Ateemit yok Kusuwif li bukan kákaanumut li Ateemit balewool kameeŋe kúyinen.

Bakaanelabu 16:1

Fool li ajow boot li ésukayi yata Delib, ban li ahaaŋ boot li yata Lisit. Nan aŋejumuu, li atook bo ágoom. Tímote jaawool asuwif áyinene li Yéesu, bale atuubawool an ata Gilees.

Bakaanelabu 17:4

Kusuwif kukee li buko li kúyinen, min kulaañ bata Fool buko li Silaas. Bukan kameeŋe kata Gilees kanaake kumanen Ateemit, li kanaale kameeŋe káami bukan káamak li ésukayi, li kulaañ foof bata Fool buko li Silaas.

Bakaanelabu 20:21

Lilollob li mal̥egen Kusuwifaku li kata Gilees min kútiiwowul kunab li Ateemit, ban li kúyinen li Amaaŋenawu oololaal Yéesu.

Bakaanelabu 21:28

Li kunaak kulob butiya koon: — Isilayeel, jíwaakenul jílambenoli! Ayínaawu umme awaaleˈemuu tanootan bukanabuku feh majakut aya li ésukayi yata Isilayeel, li eluwaayi yata Móyiis, li eluufayi inye yata Ateemit! Ban muñeˈe lamite akaan bukan kata Gilees kúnokenul li eluufayi yata Ateemit, min kusik eluufayi inye yáñeyimuu!

Bakaanelabu 8:27

Fílib li ayaan ayito ajow. Nan alakomuu ejowayi, li ajuk ánayine akee áfulumulo li etaamayi yata Ecofi. Anáyinaawu ummu lakankaan an áamak li káyiiyaku kata Kandas, ammuu aseekenawu ata jáyiiyaju jata Ecofi. Anáyinaawu ummu an kusenumuu ebajayi yata Kandas aaken, okila babile kamanen Ateemit Yeelusalem.

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

Kata Lom 10:12

Mó mújimuu asuwif ábutoolut li an alet asuwif. Buko foofiil kúl̥uba Amaaŋenawu anolawu kubaje, asenemuu wah wajake bukanabuku feh kákangummuu li akila.

Kata Galasi 2:3

Bale Tit anaboolemuu lí ínje, maayeet min áamimuu an ata etaamayi yata Gilees, kutuuŋutool atey búkut,

Kata Galasi 3:28

Kama muñeˈe bajut akee asuwif laam, akee alet asuwif, bajut akee amiikeel laam, akee alet amiikeel, bajut akee ánayine laam, akee anaale, mata bukuluul foofuul feh an ano joom li Yéesu Kilisita.

Kata Kolos 3:11

Muñeˈe jáliŋ yanooyan elet to an balet asuwif ammuu wahoowah feh li anoowan feh.