Muñeˈe no unnu, Yéesu li aan: — Lisali, Ateemit Atuubawom, awu ammuu Amaaŋen ata emitayi li etaamayi, mata luyoyyo wahawu unwu bukanabuku kájallomuu li katuukomuu, min úhiis wó bañiilabu.
Bakaanelabu 4:13 - Jola-Kasa Muñeˈe kunahaanaku kata Kusuwifaku li kujuk koon Fiyeel buko li Saŋ kulollob li kabaneyiil. Nan kuhaasumuu koon kujangawut, ban foof kulet bukan káamak, li kusego ŋáa’. Li kuhaas foof koon Fiyeel buko li Saŋ kunaanaak kunaboo li Yéesu. |
Muñeˈe no unnu, Yéesu li aan: — Lisali, Ateemit Atuubawom, awu ammuu Amaaŋen ata emitayi li etaamayi, mata luyoyyo wahawu unwu bukanabuku kájallomuu li katuukomuu, min úhiis wó bañiilabu.
Muñeˈe nan Fiyeel alakomuu ejowayi ajooŋoo bata kámbiilaku kata ekaakayi, agoloola akee li ajukool. Li aan bukanabuku kalako tomuu: — Anáyinaawu umme buko kunaake kunabumuu li Yéesu ata ésukayi yata Nasalet.
Fiyowut, bukanabuku kalako tomuu li kúlohul Fiyeel min koonool: — Mal̥egen awu foof bukuluumuu, mata malobelamu mooli múhiisenhiisen bay lúfulumulo.
Yéesu li ajuk jaawool, tin tano li ágoomawu an afañumuu ŋáa’. Yéesu li aan jaawool Mali: — Aáyo, añooli ummu.
Muñeˈe kunahaanaku kata Kusuwifaku li kusego, li koon: — Kama buu ánayinaawu ummu áhaasume wahawu unwu feh, okila jaliikenutumuu Bakiicelabu?
Bale li kujuk ánayinaawu aboboweenumuu mafake, ban li ayito to hákiliil, kuyilaat kulobiil hulim.
Bale Fiyeel buko li Saŋ li kooniil: — Jitiib bukuluul humumuul min jijuk, mantee coccol hákil Ateemit, min áloli jihoy bátuul Ateemit, min jítuuluul.
Amaaŋen, muñeˈe lujuke min kunuuloolemuu li áloli. Usénoli, áloli jammuu kulokaabuku kooli, sembe sata min jilob hulimahu hooli li kábanewoli.
Nan kubanumuu kal̥awaku, etaamayi li egoloo tan kuwoogumuu. Buyinumabu Banabaabu li bubil bulako li buko foofiil feh, min kunaak kulob hulimahu hata Ateemit li kabaneyiil.
Bale Balunabaas li aŋalool ájowetum boot bata kufootalaku li bútinabu, li min Amaaŋenawu aloboolumuu eeno. Li akitteniil foof buu Sóol áwaalewummuu li kabanewool li kajawaku kata Yéesu, li ésukayi yata Damaas.
Muñeˈe no unnu, Sóol li alako li kufootalaku. Li anaak anab li buko kuñaahoo híndo Yeelusalem, min anaak awaale li kabanewool li kajawaku kata Amaaŋenawu.
Bale Ateemit lal̥ul̥l̥us wahawu wan adunaayi ejokumuu loon wah wata bul̥uuhoo, min asuuwen bukanabuku kájallomuu. Li al̥us wahawu wan adunaayi ejokumuu loon wah wágootowe min asuuwen bukanabuku kabajumuu sembe.
To untu wahawu wayolomuu li buyinumool fan úfulul li mawuŋe. Muñeˈe fan ákuntuŋ min aŋa’ buulool aya teetaam min amanen Ateemit aan: «Ateemit ummu li mal̥egen li bukuluul!»