Bakaanelabu 4:29 - Jola-Kasa

²⁹ Amaaŋen, muñeˈe lujuke min kunuuloolemuu li áloli. Usénoli, áloli jammuu kulokaabuku kooli, sembe sata min jilob hulimahu hooli li kábanewoli.

Bakaanelabu 4:29 Referencias Cruzadas

Bakaanelabu 13:46

Muñeˈe Fool buko li Balunabaas li kulobiil li kabaneyiil kooniil: — Hulimahu hata Ateemit bukuluul hooteenimuu hujandi lob. Bale emmuu jihoohoy ho, ban li jijok kaanaku jitookut min jiyab buloŋabu bábaneliitumuu, muñeˈe kama áloli boot min jítiiwo boot bata bukanabuku kákaanumutumuu li Ateemit balewool.

Bakaanelabu 14:3

Bale Fool buko li Balunabaas li kulako Ikóniyom fiyo jakee. Li kunaak kulob li kabaneyiil, li káwoolu ló li Amaaŋenawu li wah wan an ajuulelut, min áhiis kaanaku kulimaku kan kuwaaleyemuu mata kájiyaku koola, mal̥egen.

Bakaanelabu 19:8

Fúlum tó, Fool li ajow boot li eluufayi yata kal̥awaku, ban li aŋes min akaan min kajantenoomuu kúyinen.

Bakaanelabu 26:26

Ayíiyawu Agilifa lahaase mata wahawu unwu feh, ban mó mújimuu liyilo ilob li kabanewom hákilool. Hiitonhiit li buyinum kaanaku bajut wah wano li wo wan ahaasut, mata inti li egool̥ yayolowe wahawu unwu ukaani.

Bakaanelabu 28:31

Fool li anaak awaale bukanabuku mata Jáyiiyaju jata Ateemit, ban li anaak aliiken bukanabuku mata Amaaŋenawu li mal̥egenool, ban bajut an áhilool ákaanum mo.

Bakaanelabu 4:13

Muñeˈe kunahaanaku kata Kusuwifaku li kujuk koon Fiyeel buko li Saŋ kulollob li kabaneyiil. Nan kuhaasumuu koon kujangawut, ban foof kulet bukan káamak, li kusego ŋáa’. Li kuhaas foof koon Fiyeel buko li Saŋ kunaanaak kunaboo li Yéesu.

Bakaanelabu 4:21

Muñeˈe kunahaanaku kata Kusuwifaku li kulaañen kunuuloo Fiyeel buko li Saŋ, ban li kukateniil. Kujukut li buko majakut man kóotummuu kútekumiil, mata ésukayi feh enaanaak esal Ateemit mata wahawu wabajumuu.

Bakaanelabu 4:31

Nan kubanumuu kal̥awaku, etaamayi li egoloo tan kuwoogumuu. Buyinumabu Banabaabu li bubil bulako li buko foofiil feh, min kunaak kulob hulimahu hata Ateemit li kabaneyiil.

Bakaanelabu 9:27

Bale Balunabaas li aŋalool ájowetum boot bata kufootalaku li bútinabu, li min Amaaŋenawu aloboolumuu eeno. Li akitteniil foof buu Sóol áwaalewummuu li kabanewool li kajawaku kata Yéesu, li ésukayi yata Damaas.

Bakaanelabu 9:28

Muñeˈe no unnu, Sóol li alako li kufootalaku. Li anaak anab li buko kuñaahoo híndo Yeelusalem, min anaak awaale li kabanewool li kajawaku kata Amaaŋenawu.

1 Kata Koolent 14:13

Wahawu unwu újimuu, an alobe silob sahaasuti laate al̥aw Ateemit min asenool kájiyaku kata kaheb ésukayi waa silobasu unsu silobe.

2 Kata Koolent 3:12

Kákangumaku unku kan jibajumuu kújiwoliji li jilob li bukanabuku li káwoolu káamak ló.

Kata Fílib 1:14

Kameeŋe li kutuyolaal li Amaaŋenawu, nan kuhaasumuu koon ínje ummu li hukul̥ahu li kubaj kawankulen, muñeˈe li kuhaŋ mabaj kakaañen min kunaak kulob Hulimahu hata Ateemit, ban mabajut ekole yanooyan.

1 Kata Tesalonik 2:2

Jihaase foof buu kúlaamenoli nomuu ban li kúgeloli li ésukayi yata Fílib. Bale Ateemit láwankulenoliwankulen min jiwaalewuul Hulimahu Hásuumaahu hoola, maayeet min kúhilolimuu.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!