Bakaanelabu 25:11 - Jola-Kasa Nokoomuu loon lifeefet, ban li ikaan wah wajakut watooke min iket, ihoyut min iket. Bale nokoomuu loon wahawu feh wan kulobemuu li wo kuya lí ínje let mal̥egen, an abajut kakaañen min ajokom aseniil maamiñ. Lifañe min áyiiyawu áamakawu atiibom okila humumool. |
Bale Fool li aan bukanabuku kan kúboñulumuu: — Waa? Kújokoli kutek hákil ésukayi feh, buko bátiibutoli jak loon kaanemuu, áloli jammuu bukan kata Lom, ban li kúŋaloli kujow kukul̥! Líiŋ muñeˈe li kufañ min kúkatenoli an bahaasut? Let baj! Buko humumiil kubil kúkatenoli!
Muñeˈe Fool li alako li álobul, Galiyoŋ li aan Kusuwifaku: — Nokooleenumuu loon búyiik lakaane, mantee foof latilentilen ŋáa’, manooman fan iŋaleen taŋ min ijantenuul, bukuluul Kusuwifaku.
Bale, nan kukokoolumuu kuban boot min kutekool, Fool li agel̥l̥en anahaanawu ata esollaaliyayi alako tomuu aanool: — Mantee jibaje kakaañen min jitek an ata Lom akila batiiboluti?
Fool li aanool: — Li hutiibahu hata áyiiyawu áamakawu leem, ban to lemmuu li itiibi. Ikaanut Kusuwifaku wah ukee wajakut, loon awu humumi uhaas yomuu jak.
Muñeˈe nan Fésitiis alobumuu li huhaanaahu hoola aban, li aan Fool: — Emmuu áyiiyawu áamakawu lufañe min atiibi, kama boot min ujow boot bata áyiiyawu áamakawu.
Bale Fool li aan kama áyiiyawu áamakawu atiibool. Muñeˈe li ilob min kukatool li hukul̥ahu boot yok nan emmuu iyili iboñool bata áyiiyawu áamakawu.
Bale ínje ijukut li akila wah wajakut waate úji li amuki. Bale emmuu akila humumool aane áyiiyawu áamakawu atiibool, li een kama iboñool o’.
Agilifa li aan Fésitiis: — Anáyinaawu ummu layilleene akateni, okila baaneenut áyiiyawu áamakawu atiibool.
Bale Kusuwifaku kufañut, gay li ikomen een kama áyiiyawu áamakawu atiibom. Bale ínje humumom ifañut min iwataten ésukayi yúmbaam.
Kusuwifaku umbuku kumukumuu foof Amaaŋenawu, ban li kúlaamenolaal foof. Kúsuumut Ateemit maayeet, ban li kulat bukanabuku feh.