Bakaanelabu 25:25 - Jola-Kasa

²⁵ Bale ínje ijukut li akila wah wajakut waate úji li amuki. Bale emmuu akila humumool aane áyiiyawu áamakawu atiibool, li een kama iboñool o’.

Bakaanelabu 25:25 Referencias Cruzadas

Hulimahu Hásuumaahu loon Lík akiic homuu 23:14

min aaniil: — Jíŋaluloŋŋalul ánayinaawu ummu min joonom lakaanekaan ésukayi égugguloo. Bale ligel̥l̥enoogel̥l̥en hákiluul, ban ijukut li okila butila banooban bájiwuulumuu li jil̥oofool.

Hulimahu Hásuumaahu loon Lík akiic homuu 23:4

Filat li aan huhaanaahu hata élambaayi li búsukabu: — Injé ijukut wah wan ánayinaawu umme akaane wajakut, waate úji li abaj katek.

Hulimahu Hásuumaahu loon Saŋ akiic homuu 18:38

Filat li agel̥l̥en Yéesu aanool: — Kama mal̥egenamu mo mommuu sum waa? Nan Filat alobumuu kulimaku unku aban, li alaañen áfulul ajow atook tíyaŋ Kusuwifaku min aaniil: — Injé ijukut li akila butila ban akaane, báami li bújiwom li il̥oofool.

Bakaanelabu 23:29

Muñeˈe li ijuk een kama mata eluwaayi yooliil éjimuu li koon akaanut jak. Bale Kusuwifaku kuyilaat koon wah waman wajakut lakaanumuu wáatimuu újiwool li aket mantee foof li akul̥i.

Bakaanelabu 23:9

Li kúwonnoo to yok kulimaku kooliil kujow haatiya. Muñeˈe kukee li bukanabuku kaliikenemuu ésukayi eluwaayi yata Móyiis, ban li kulaañ bata hujojahu hata Kufaaliisiyeŋaku, li kuyito kulob li sembe koon: — Jijukut majakut manooman man ánayinaawu ummu akaane. Nakeemaa buyinum mantee foof amalaka alobe li akila!

Bakaanelabu 25:26

Ibajut wah wata mal̥egen wan éemi li ikiic min ilob áyiiyawu áamakawu moola. Mó mújimuu, li ikaanool alob hákiluul, háŋum hákili awu áyiiyawu Agilifa, bánum li agel̥l̥enooli min íbajum tó wah wan éemi li ikiic.

Bakaanelabu 26:31

Nan kuyitomuu kúfu’, li kunaak koonoo: — Anáyinaawu ummu akajenut wahoowah watooke min amuki, mantee foof li akul̥i.

Bakaanelabu 27:1

Nan jeˈe lakomuu boot min jíjowum li ébato boot Itali, li kukat Fool li bukan kukee kan kukul̥e, li kaŋen kata anahaan ata kusollaali an koone Súliyis, ata kayooŋaku kata esollaaliyayi yata áyiiyawu áamakawu ata Lom.

Bakaanelabu 28:18

Kata Lom li kugel̥l̥enoolom kuban, li kufañeen min kukatenom mata kujukut wahoowah lí ínje waate úji li kumukom.