Bakaanelabu 22:24 - Jola-Kasa Anahaanawu ata esollaaliyayi yata Lom li alob min kukaan Fool anoken li hukinahu hata kusollaaliyaku, min kuŋa’ kukaluwaas min kutekool min kugel̥l̥enoolool mantee kay li álobul, min ahaas wahawu wájimuu búsukabu li bunaak bulob kulimaku unku butiya buya li akila. |
Bale Fool li aan bukanabuku kan kúboñulumuu: — Waa? Kújokoli kutek hákil ésukayi feh, buko bátiibutoli jak loon kaanemuu, áloli jammuu bukan kata Lom, ban li kúŋaloli kujow kukul̥! Líiŋ muñeˈe li kufañ min kúkatenoli an bahaasut? Let baj! Buko humumiil kubil kúkatenoli!
Bale li búsukabu, kukee fan kulob butiya maame, kaabuku li kulob maama. Emmuu húcuhahu hújiji anahaanawu ata esollaaliyayi ayilaat ajam to wah wata mal̥egen, li alob min kújowetum Fool boot li hukinahu hata esollaaliyayi.
Nan kulakomuu li kukaan Fool anoken li hukinahu hata esollaaliyayi, li agel̥l̥en anahaanawu ata esollaaliyayi aanool: — Mantee liyilo ilobi hulim? Anahaanawu ata esollaaliyayi li agel̥l̥enool aan: — Kama lujame kugilekaay?
Búwonnoolabu li buhaŋ másuf, gay anahaanawu ata esollaaliyayi li ákoli min kuban li kulinculoo Fool. Muñeˈe li alob esollaaliyayi yoola min kujow kúfulen Fool li tutayi yata búsukabu, kujow kukaan li hukinahu hata esollaaliyayi.
Kusuwifaku kujoojok anawu ummu, ban booteen min kumukool, li ijam kaanaku kama okila an ata Lom. Li iŋa’ kusollaaliyaku kúmbaam min jijow jifakenool.
Kata Lom li kugel̥l̥enoolom kuban, li kufañeen min kukatenom mata kujukut wahoowah lí ínje waate úji li kumukom.
Li kulaañen kanaale kukee bukaniil kaketeene kayitowumulo li eketayi. Kukee li kúcoocikooliil kujow kuket, min kuhoy min an afakeniil mantee li kubaj kayitowul li eketayi kahaŋe majak.