Bakaanelabu 23:10 - Jola-Kasa

¹⁰ Búwonnoolabu li buhaŋ másuf, gay anahaanawu ata esollaaliyayi li ákoli min kuban li kulinculoo Fool. Muñeˈe li alob esollaaliyayi yoola min kujow kúfulen Fool li tutayi yata búsukabu, kujow kukaan li hukinahu hata esollaaliyayi.

Bakaanelabu 23:10 Referencias Cruzadas

Bakaanelabu 21:37

Nan kulakomuu li kukaan Fool anoken li hukinahu hata esollaaliyayi, li agel̥l̥en anahaanawu ata esollaaliyayi aanool: — Mantee liyilo ilobi hulim? Anahaanawu ata esollaaliyayi li agel̥l̥enool aan: — Kama lujame kugilekaay?

Bakaanelabu 22:24

Anahaanawu ata esollaaliyayi yata Lom li alob min kukaan Fool anoken li hukinahu hata kusollaaliyaku, min kuŋa’ kukaluwaas min kutekool min kugel̥l̥enoolool mantee kay li álobul, min ahaas wahawu wájimuu búsukabu li bunaak bulob kulimaku unku butiya buya li akila.

Bakaanelabu 23:16

Bale añiilawu ata áliinawu ata Fool li ajamiil nan kulakomuu elobayi yata min kommuu li kukaan min kumuk Fool, li ajow aheb Fool li hukinahu hata esollaaliyayi.

Bakaanelabu 23:27

Kusuwifaku kujoojok anawu ummu, ban booteen min kumukool, li ijam kaanaku kama okila an ata Lom. Li iŋa’ kusollaaliyaku kúmbaam min jijow jifakenool.

Bakaanelabu 23:28

Emmuu lifañenfañ min ihaas waa Kusuwifaku kujuke li akila wajakut, li iŋalool íjowetum bata hujojahu hooliil háamakahu.

Bakaanelabu 23:32

Hunak hukaten, kusollaaliyaku kajowumuu koot, li kúlaañul boot li hukinahu hooliil min kukat kata sifilinjebaasu min kúhaaŋetum Fool.

Bakaanelabu 24:7

bale anahaanawu ata esollaaliyayi an koonemuu Lisiyaas li abil abotool li kúŋenoli li sembe.

2 Kata Koolent 11:26

Liñaahoole ñameeŋe li koot, ban li ilako li iket ñameeŋe: li kañaahoo li utunkawu, li káfimboo li ékuu yamuke bukan, li kuŋen kata bukanom li kata bukanabuku kaletumuu Kusuwif, li sísukasu sílunlumaayasu, li uyiinaayawu, li kusamuwaku, li kuŋen kata bukanabuku kámalumuu koon kutuyolaal koom.

Saak 1:19

Kutuyom, joote jihaas wahawu unwe jak! Anoowan li bukuluul laate anaak asommen ajanten hulimahu hata Ateemit, bale jakum ahi’ li élobul, jakum foof ahi’ li kawuñet.

Saak 3:14

Bale nokoomuu loon li uyinumawu wooluul batahaay bajakut li búhaŋoo bóomi ló, jakum jisaloolo min joon jíjallojallo.