Ban li aaniil: — Wahawu unwu lilobuulumuu nan ilakomuu li bukuluul, eenuul: wahawu feh wakiicimuu uya lí ínje li eluwaayi, lí Síliibalasu sata Ukijenawu, woote ubaj.
Bakaanelabu 13:40 - Jola-Kasa Ban kama li jíkaanum, jakum bil wahawu wan kufulofetaku kulobumuu, ubajuul: |
Ban li aaniil: — Wahawu unwu lilobuulumuu nan ilakomuu li bukuluul, eenuul: wahawu feh wakiicimuu uya lí ínje li eluwaayi, lí Síliibalasu sata Ukijenawu, woote ubaj.
Kufulofetaku kukikkiic hulimahu unhe: «Ateemit fan aliikeniil foofiil feh.» Anoowan feh ajantene Atuubaawu ban li aliikenum li akila fan abil búmbaam.
Ban kulimaku kata kufulofetaku, kunaboonaboo li wahawu unwu, mata muñeˈe Hulimahu hakiicimuu hata Ateemit hulobe:
Nan kukaanumuu loon muñaˈa, Ateemit li abetiil búsol. Li akatiil min kumanen búwuwenumabu bajukeyimuu li emitayi, loon kiicumuu li éliibalayi yata kufulofetaku, kaanaku: “Isilayeel! Mantee sínuukuleŋasu san jisilamuu, nan jilakomuu li kayiinaayaku simitasu kúyii kúl̥uba, ínje jisila so?
Jijuke to, jakum jihoy bajanten ammuu li elob li bukuluul. Li mal̥egenamu, bukanabuku kahoyumuu bajanten anawu anaake alobiilumuu akat to nan kulakomuu li etaam, kufakut li katekaku, háŋum alolaal. Ubetaalumuu búsol anawu álobumulemuu li alolaal li emitayi, let ufakaal foof li katekaku.
Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.
Kutuyom, jijuke to jakum bil an li bukuluul abaj buyinum baŋooto, báyinenut, baate bukaanool min abet búsol Ateemit aloŋumuu.