Hulimahu Hásuumaahu loon Saŋ akiic homuu 6:45 - Jola-Kasa

⁴⁵ Kufulofetaku kukikkiic hulimahu unhe: «Ateemit fan aliikeniil foofiil feh.» Anoowan feh ajantene Atuubaawu ban li aliikenum li akila fan abil búmbaam.

Hulimahu Hásuumaahu loon Saŋ akiic homuu 6:45 Referencias Cruzadas

Máciya 11:27

«Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Máciya 17:5

Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Maak 1:2

Li éliibalayi yata Esay ammuu afulofet, Ateemit lansaan ló: «Fan íboñul an an íhebenulo ayabi hákil, ammuu li ateŋen bútinabu booli.

Hulimahu Hásuumaahu loon Lík akiic homuu 1:70

Wahawu unwu Ateemit alobumuu nan fiyo, li kufulofetaku koola kanabaaku.

Hulimahu Hásuumaahu loon Lík akiic homuu 18:31

Yéesu li aŋa’ kúgoomaku koola kuŋen li kúl̥ubaaku kúfu’ jooliil min aaniil: — Jijanten! Alolaal ummuwaal li ujowaal boot Yeelusalem ban wahawu feh wan kufulofetaku, wóomimuu li ubaj.

Hulimahu Hásuumaahu loon Saŋ akiic homuu 10:27

Kúgalalaanaku kúmbaam kujantenejanten hulimahu húmbaam. Lihaas ko, ban li kunaak kúnabul lí ínje.

Hulimahu Hásuumaahu loon Saŋ akiic homuu 6:37

Anoowan an Atuubaawu asenom fan abil búmba, ban an abilumuu búmba manooman let ibetenool tíyaŋ,

Hulimahu Hásuumaahu loon Saŋ akiic homuu 6:65

Yéesu li afamen aan: — Wahawu unwu újimuu li eenuul an ayilaat abil búmbaam Atuubaawu bakatutool min abil.

Bakaanelabu 13:40

Ban kama li jíkaanum, jakum bil wahawu wan kufulofetaku kulobumuu, ubajuul:

Bakaanelabu 7:42

Nan kukaanumuu loon muñaˈa, Ateemit li abetiil búsol. Li akatiil min kumanen búwuwenumabu bajukeyimuu li emitayi, loon kiicumuu li éliibalayi yata kufulofetaku, kaanaku: “Isilayeel! Mantee sínuukuleŋasu san jisilamuu, nan jilakomuu li kayiinaayaku simitasu kúyii kúl̥uba, ínje jisila so?

Kata Efées 1:17

Injé ummu min il̥awemuu Atuubaawu áyiineniyaawu ammuu Ateemitawu ata Amaaŋenawu oololaal Yéesu Kilisita, min ásenumuul bújallo li Buyinumabu ban li áhiisuul akila ammuu ayi, bájum li jiyili jihaasool jak.

Kata Fílib 3:15

Alolaal jaamaalumuu bukan kanke li káyinenaku li Yéesu, lootaale unaak uyinoolaal loon muñaˈa. Li bil nokoo loon babbaj tikee tan jibaje kayinoo kábuto, Ateemit fan áhiisuul to jak foof.

1 Kata Tesalonik 4:9

Muñeˈe tookut min an akiiculuul mata húbooliwoo hata batuyaay, mata Ateemit lalobuulob kaanaku joote jíbooliwoo.

Eébulo 10:16

«Húfaalumahu unhe léemimuu li ijok li buko kunakaku unku babane, Amaaŋenawu alob. Fan iŋa’ siluwaasu súmbaam ikaaniil li sísigil. Fan iŋa’ so ikiiciil li uyinum.»

1 Saŋ 2:27

Bale bukuluul, Kilisita laŋaŋŋa’ Buyinumabu boola akaan li bukuluul. Emmuu Buyinumabu bumbu nanoonan li bukuluul, jokutuul min akee abil aliikenuul, mata Buyinumabu fan buliikenuul wahoowah feh. Ban wahawu wan bommuu li buliikenuul wah wata mal̥egen, let wah wata émalimiñ. Wahawu unwu újimuu jikaan loon Buyinumabu buliikenuumuu, min jibaj hujamoo halite li Kilisita.