Eébulo 2:3 - Jola-Kasa

³ Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.

Eébulo 2:3 Referencias Cruzadas

Máciya 23:33

Sinuukayilaase! Bañiil bata sil̥aal̥ak! Buu joote ban di jikaan min jifak li katekaku kata li sambunasu?

Máciya 4:17

Yan no unnu, Yéesu li átoŋ awaale aan: — Jikat uhoofoolawu wooluul, min jiŋa’ buloŋ buwunkul; mata Jáyiiyaju jata Ateemit jíkoojulo!

Maak 1:14

Muñeˈe nan Elod ajokumuu Saŋ akul̥ fú’ tó, Yéesu li ajow boot li etaamayi yata Gálile, min awaale bo Hulimahu Hásuumaahu hata Ateemit.

Hulimahu Hásuumaahu loon Lík akiic homuu 1:2

Kukittenkitten wahawu wabajumuu loon bukanabuku humumiil kamaat womuu li húkitumahu, kukittenolaal womuu. Bukanabuku umbuku muñeˈe kuwaaleya kata Hulimahu hata Ateemit.

Hulimahu Hásuumaahu loon Lík akiic homuu 1:69

Lasenolaasen Afakena ata sembe, li bubukoolumabu bata aloka oola Dayit.

Hulimahu Hásuumaahu loon Lík akiic homuu 24:19

Yéesu li aaniil: — Wah way? Kúgoomaku kúl̥ubaaku li koonool: — Wahawu wabajumuu Yéesu ata Nasalet! Lakankaan afulofet. Bakaanelabu boola bubabbaj sembe li kulimaku koola, hákil Ateemit li hákil ésukayi feh.

Hulimahu Hásuumaahu loon Saŋ akiic homuu 15:27

Ban bukuluul foof fan jilob bukanabuku múmbaam, mata nan ítoŋumuu bulokabu búmbaam boot muñeˈe, bukuluul jumbuku lí ínje.»

Bakaanelabu 2:22

Fiyeel li alaañen aaniil: — Kutuyom kata Isilayeel, jijanten kulimaku unke kan emmuu li ilobuul. Ateemit láhiisuuhiis ayi ammuu Yéesu akinumuu Nasalet. Mata Ateemit li Yéesu lákaanume bújaahalenumabu, li búhiisenum hákiluul. Ban bukuluul humumuul jihaas yo.

Bakaanelabu 4:12

Li Yéesu bale an ayilo ábajum buloŋabu bábaneliitumuu. Mata bajut an li etaamaye an Ateemit áboñulo bukanabuku, ábute li Yéesu, boot kafakenolaal.

Kata Lom 11:14

Iyiliyeenumuu ikaan mo, fan íji kukee li bukanabuku kammuu kusuwif loon ínje li kutahaay, min ífakenum tó kukee li buko.

Kata Lom 2:3

Awu jatiibemuu bukanabuku kakaanemuu wahawu unwu ban li unaak ukaan loon buko, waa, luyinooyinoo file loon awu fan ufak li batiibabu bata Ateemit?

1 Kata Koolent 1:21

Li mal̥egenamu, bukanabuku kata adunaayi li bújallowabu booliil feh, kujuke wahawu wan Ateemit akaanumuu, bale kuyilaat kuhaas Ateemit. Wahawu unwu újimuu, Ateemit li ajok kaanaku jaajak min ájowum li kulimaku kan uwaaleyaalemuu ban li kujoki loon bul̥uuhoo, min afaken bukanabuku káyinenumuu.

1 Kata Tesalonik 5:3

Nan bukanabuku kommuu li koon: «Muñeˈe lubajaale kásuumaay, muñeˈe let úkoliyaal wahoowah,» no unnu búyiik bommuu li buyaan bulowiil, loon sílaam silowemuu anaale ahalete, ban an li buko let afak.

1 Tímote 1:15

Hulim unhe hata mal̥egen hatooke min ésukayi feh eyab ho: Yéesu Kilisita labiibil li adunaayi boot kafaken kuhoofoola. Ban ínje humumom emmuu átinaa li kuhoofoolaabuku umbuku feh.

Eleetalayi yan Fool akiicumuu Tit 2:11

Mata Ateemit láhihhiis kájiyaku koola bájum bukanabuku feh li kúfakum li ko.

Eébulo 1:1

Naanaŋ, Ateemit lanaanaak ájowum li kufulofetaku, min alob li situubawolaal sihaan ñameeŋe ban li malobe mameeŋe.

Eébulo 1:14

Kama inti kumalakaaku uyinum koom wáami li bulok boot li Ateemit? Inti Ateemit laboñeboñ kumalakaaku kujow kulamben bukanabuku káatimuu kuyab kafakaku kutowo?

Eébulo 1:2

Bale muñeˈe li taŋaye ébanumaye, li Añoolool lálobume li alolaal. Li akila lajuul̥ume adunaayi li wahawu feh wáami lómuu, ban akila lakaan tomuu boot min akil wahoowah feh.

Eébulo 12:25

Jijuke to, jakum jihoy bajanten ammuu li elob li bukuluul. Li mal̥egenamu, bukanabuku kahoyumuu bajanten anawu anaake alobiilumuu akat to nan kulakomuu li etaam, kufakut li katekaku, háŋum alolaal. Ubetaalumuu búsol anawu álobumulemuu li alolaal li emitayi, let ufakaal foof li katekaku.

Eébulo 4:1

Ateemit lalobolaalob kaanaku luyiliyaale ubajaal kayool̥owaku kan afalemuu boot li alolaal. Kayool̥owaku unku kan alobolaamuu mata ko, laloŋe li átuk tó. Kama lootaale ujukelaal to jakum bil an li bukuluul ayinoo li aan kayool̥owaku unku kufakoofak.

Eébulo 4:11

Mó mújimuu, lootaale kama ukaanaal wahoowah min ubajaal kayool̥owaku unku, jakum bil an li alolaal alo, okila banabe li bukittenoolumabu bata bukanabuku kátuulutumuu Ateemit.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

1 Saŋ 1:1

Jikiiculuukiic boot min jilobuul mata anawu ammuu Hulimahu hata buloŋabu. Hulimahu unhu hubabbaj yaan no li húkitumahu. Lujamaajam Hulimahu, ban li ujukaal ho li kúkilolaal. Li ulasowaal ho, ban li ugolaal ho li kuŋenolaal.

Eleetalayi yan Súd akiicumuu 1:17

Bale bukuluul jammuu kufaalom kan iboolaat, jiwayil̥o kulimaku kan kufootalaku, kulob nomuu kúkibben.

Búhiisenumabu 7:10

Li kulob butiya koon: «Ateemit oololaal abahumuu li efenjeŋayi yata jáyiiyaju, okila li Agálalaanawu kufakenolaalumuu!»