1 Saŋ 1:6 - Jola-Kasa

Nokoomuu loon loonaasoon lujamoolaajamoo li Ateemit ban li uloŋaal buloŋ bata élim, lúmalaamal. Ukaanutaal loon mal̥egenamu mulobumuu.

1 Saŋ 1:6 Referencias Cruzadas

Máciya 7:22

Li hunakahu hata batiibabu, bukan kameeŋe fan koonom: «Amaaŋen, Amaaŋen», kama inti li kajawaku kooli, jílobummu kulimaku kata Ateemit? Inti li kajawaku kooli, jíkesoolummuu uyinumawu wajakutaawu? Inti foof li kajawaku kooli, jíkaanummuu wah wájaahaleniye?

Hulimahu Hásuumaahu loon Saŋ akiic homuu 11:10

Bale an ajowumuu li huk, fan ajonten mata abajut mawuŋe káta láalawool.

Hulimahu Hásuumaahu loon Saŋ akiic homuu 12:35

Yéesu li aaniil: — Mawuŋaamu muloŋe li moono li bukuluul. Bale let mulako li bukuluul fiyo. Jinab li bútinabu booluul muñeˈe nan jiloŋumuu li jibaj mawuŋaamu, jakum bil élimayi egoobuul. Mata an ájowume li élim, ahaasut bay lajeˈe boot.

Hulimahu Hásuumaahu loon Saŋ akiic homuu 12:46

Injé ammuu mawuŋaamu libiibil li adunaayi, bájum an áyinenumuu lí ínje, let alako li élim.

Hulimahu Hásuumaahu loon Saŋ akiic homuu 8:12

Yéesu li alaañen alob li búsukabu aaniil: — Injé emmuu mawuŋaamu mata adunaayi. An anabumuu lí ínje fan abaj mawuŋaamu mata buloŋabu, ban let ájowum li élim maayeet.

Hulimahu Hásuumaahu loon Saŋ akiic homuu 8:55

Ban jihaasutool, bale ínje lihaasool. Eenumuu ihaasutool, li ilako ámalamiñ loon bukuluul. Bale ínje lihaasool, ban lítuttuul kulimaku koola.

1 Tímote 4:2

Fan kukat bukan kámale ban li kúhoolo min kújimeniil, bukan kan uyinumawu wooliil ukete loon eenimuu mañ máwake kuŋale min kúsu’ wó.

Saak 2:14

Kutuyom, jáliŋ buu yoom to an baane lababbaj káyinen, ban káyinenaku koola kunaboolut li makaane majake? Mantee káyinen loon unku kuyilo kufakenool?

Saak 2:16

majake may móomi to akee li bukuluul baanelool: «Ujow li kásuumaay ujow úhinnoo ban li utiñ ufooñ,» akila basenutool wahawu wan jokoolumuu li wo boot li buloŋool?

Saak 2:18

Bale akee fan aan: «Awu lubaje káyinen, ínje li ibaj makaane majake. Muñeˈe kama úhiisom buu luyilo ubaj káyinen ko banaboolut li makaane majake, mín ínje íhiisi káyinenaku kúmbaam li makaanelom majake.»

1 Saŋ 1:10

Li bil oonaal ubajutaal kahoofoo, Ateemit lujokaale ámalamiñ, ban hulimahu hoola hulet li ololaal.

1 Saŋ 1:3

Wahawu wan áloli jijukumuu ban li jijam wo, wo jommuu foof li kahebuul, mantee bukuluul li áloli li ujokoolaal min ulakowaal an ano. Hujamoolahu hoololaal ho hommuu hujamoo li Atuubaawu li Añoolool Yéesu Kilisita.

1 Saŋ 1:8

Oonaamuu ubajutaal kahoofoo, lubuntoolowaale ololaal humumolaal, ban mal̥egenamu mulet li alolaal.

1 Saŋ 2:4

An aanumuu: «Lihaasool», ban akaanut loon siluwaasu soola silobumuu, anawu ummu ámalamiñ, ban mal̥egenamu mulet li akila.

1 Saŋ 4:20

An aanumuu: «Líboolibooli Ateemit» ban li alat atuyool, anawu ummu ámalamiñ. Mata anawu ummu ábooliwutumuu atuyool an ajukemuu, let ábooli Ateemit an ájukeliitumuu.