Saak 2:14 - Jola-Kasa

¹⁴ Kutuyom, jáliŋ buu yoom to an baane lababbaj káyinen, ban káyinenaku koola kunaboolut li makaane majake? Mantee káyinen loon unku kuyilo kufakenool?

Saak 2:14 Referencias Cruzadas

Máciya 5:20

Fan ilobuul eenuul, jítuulutumuu Hulimahu hata Ateemit jihaŋ bukanabuku kaliikenemuu ésukayi eluwaayi yata Móyiis li Kufaaliisiyeŋaku, let jibil jinoken li Jáyiiyaju jata Ateemit.

Hulimahu Hásuumaahu loon Lík akiic homuu 3:11

Saŋ li aaniil: — An abajumuu újufo úl̥uba li asen kaaku an abajut kájufo. An foof abajumuu atiñ, li asen an abajut atiñ.

Hulimahu Hásuumaahu loon Lík akiic homuu 6:49

Bale an ajamumuu kulimaku kúmbaam ban akaanut loon ilobumuu, anawu ummu lanokoonokoo li an ateefe eluuf li mul̥uyis akila bawokut sénki min áteefumul ló. Nan malamu mata mul̥uuwamu múfaasoolulumuu mubil mulo li eluufayi, li eyaan elo eyiissoo feh.

Bakaanelabu 15:9

Ateemit ajokutiil kúbuti li alolaal, mata li káyinen lágiilenummuu uyinumawu wooliil.

Bakaanelabu 8:13

Simoŋ humumool foof li áyinen, li kúbatiisewool. Nan kúbatiisewoolumuu kuban, akatut kanaboo li Fílib. Búhiisenumabu bájaahalenimuu li bakaanelabu bájaahalenimuu ŋáa’ ban Fílib anaake akaanumuu hákilool, li bukaanool asego ŋáa’.

Bakaanelabu 8:21

Ulet ló li bulokabu bóololi, ban ubajut to kakaañen kanookan, mata buyinumabu booli bucolut hákil Ateemit.

Kata Lom 2:25

Li mal̥egen unaakumuu ukaan loon eluwaayi elobumuu, búkutabu ban uteyumuu fan bubaji jáliŋ, bale unaakutumuu ukaan loon eluwaayi elobumuu, maayeet min uteye búkut lunokoonokoo loon an ateyut búkut.

1 Kata Koolent 15:2

Li ho foof Ateemit áfakenumuulumuu, nokoomuu loon jijoojok ho loon liwaalewuul homuu. Letumuu mo, káyinenaku kooluul kubajut jáliŋ.

1 Kata Koolent 16:22

An afañutumuu Amaaŋenawu, anawu ummu katek kujow kulako li akila. Maalanata — Ubil, Amaaŋen óololi!

Kata Galasi 5:13

Kutuyom, bukuluul Ateemit lahooñuuhooñ boot mata min jífu’ li humiikeeleto. Bale jakum káfulaku kooluul li emiikeeleto, kújiwuul li jinab li kásiibowaku kajakutumuu kata siniilasu sooluul. Bale húbooli hujow húji anoowan li bukuluul li anaak alok boot li afaalool li kawalenoolo ló.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Tímote 1:5

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

1 Tímote 4:8

Kakaan min eniilayi elako li kásuumaay kubabbaj jáliŋ li wah watit, bale kátuul Ateemit kubabbaj jáliŋ li wahawu feh, mata kúŋaluleŋalul kásooniyen boot li buloŋabu umbe li boot li buloŋabu babilemaa.

Eleetalayi yan Fool akiicumuu Tit 1:16

Fan koon kuhaase Ateemit, bale bakaanelabu booliil bunaboolut li wahawu wan kulobumuu. Kujakut majak, kútuulut Ateemit maayeet ban kuyilaat kukaan wahoowah wajake.

Eleetalayi yan Fool akiicumuu Tit 3:8

Laalu hulim hata mal̥egen. Lifañe min ulob unooten mata kulimaku unku, mantee bukanabuku káyinenumuu li Ateemit li kujooŋoo to li mal̥egen min kukaan wah wajake. Wahawu unwu ujakumuu ban li ubaj jáliŋ li bukanabuku feh.

Eébulo 11:17

Káyinen kújimuu Abulaham li aŋa’ Isaak boot asila, nan Ateemit ayooboolumuu min ajuk. Mal̥egen Abulaham li alako li asila añoolool anolawu Isaak, imban Ateemit lalobeenoolob kaanaku fan asenool wah.

Eébulo 13:9

Jakum jikat baliikene banooban babilumulo tíyaŋ, min bújimenuul. Jaajak min kájiyaku kata Ateemit kuliten buyinumabu booluul, bale let uŋoon wata mata mutiñaay, wabajutumuu jáliŋ yanooyan boot li bukanabuku kanabemuu li wo.

Saak 1:16

Kutuyom kan iboolaat, jakum jibuntoolo!

Saak 2:16

majake may móomi to akee li bukuluul baanelool: «Ujow li kásuumaay ujow úhinnoo ban li utiñ ufooñ,» akila basenutool wahawu wan jokoolumuu li wo boot li buloŋool?

Saak 2:18

Bale akee fan aan: «Awu lubaje káyinen, ínje li ibaj makaane majake. Muñeˈe kama úhiisom buu luyilo ubaj káyinen ko banaboolut li makaane majake, mín ínje íhiisi káyinenaku kúmbaam li makaanelom majake.»

Saak 2:26

Li mal̥egenamu, an akatumuu kayih lakeeket. Mo foof káyinen kanaboolut li makaane majake, kubajutumuu jáliŋ.

2 Fiyeel 1:5

Wahawu unwu újimuu, joote jikaan manooman min jiŋa’ ekaan majake jifamen li káyinenaku kooluul, li jiŋa’ kahaasaku kan jihaasumuu Ateemit jifamen to li ekaan majake,