Uloŋaal buloŋ bacole loon loŋemuu tihunak. Jakum unaak utiñaal ujow uwuuhenaal, jakum unaak úkaliyenoolaal, jakum unaak uhintowaal li aletalet, jakum úkaanikoolaal, jakum unaak úmuyutenoolaal, jakum baj batahaay li ololaal.
1 Kata Koolent 3:3 - Jola-Kasa Mata jiloŋe li jiloŋ loon bukanabuku kata adunaayi inye kuloŋemuu. Emmuu li mal̥egenamu babbaj li bukuluul batii li úmuy, inti wahawu unwu úhihhiis kaanaku bukuluul bukan kata adunaayi inye joom? Ban inti jilonloŋ loon bukanabuku kuloŋemuu? |
Uloŋaal buloŋ bacole loon loŋemuu tihunak. Jakum unaak utiñaal ujow uwuuhenaal, jakum unaak úkaliyenoolaal, jakum unaak uhintowaal li aletalet, jakum úkaanikoolaal, jakum unaak úmuyutenoolaal, jakum baj batahaay li ololaal.
Kutuyom, lil̥awuul li kajaw kata Amaaŋenawu eenuul: jibaj kajamoo ban jakum baj bugiiloo li bukuluul. Jijokoo lit li mal̥egen, ban li jibaj buyinum bano li kayinoo kano.
Li mal̥egenamu, kutuyom, bukanabuku kata butoŋabu bata Kólowe kulobonlob koonom babbaj úmuy li bukuluul.
Wahawu útiyaalawu wo wommuu, nan jiwoogemuu bajebaj bugiiloo li bukuluul, loon ijamumuu, ban líyinenyinen jakee kaanaku mal̥egen.
An li bukuluul aanumuu: «Injé bata Fool lilaañe», akee li aan: «Injé bata Afolos lilaañe», jilob momuu inti jikankaan loon bukanabuku kukaanemuu?
Wahawu wan íkolimuu wo wommuu, jakum bil íliiŋul booluul let itookuluul manokoole loon ifañumuu, ban bukuluul foof let jijukom manokoole loon jifañeenumuu. Wahawu wan íkolimuu foof, wo wommuu min baj li bukuluul úmuy, batahaay, buwuñetoo, búhaŋoo, búgeloo li kúloboo, katebenoolo ban anoowan li ukaan wah wásuumi.
Bale nokoomuu loon jilumoolelumoo ban li jinaak jimeloo, jíkaanum: fan ban di jiniilenoo.
Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.
Mata tan batahaay boom li búhaŋoo, bajut to hujamoo maayeet. Fan meeŋ to bakaane bajakut.
Muñeˈe, joote jiloŋ taŋayi yasaŋowuulumuu buloŋ baabe li etaam loon Ateemit afañumuu, bale jakum jiloŋ naboo li kásiibo kata ál̥ahukowan.