1 Kata Koolent 1:10 - Jola-Kasa

¹⁰ Kutuyom, lil̥awuul li kajaw kata Amaaŋenawu eenuul: jibaj kajamoo ban jakum baj bugiiloo li bukuluul. Jijokoo lit li mal̥egen, ban li jibaj buyinum bano li kayinoo kano.

1 Kata Koolent 1:10 Referencias Cruzadas

Máciya 9:16

«An áŋaleliit hufalen hata kañ kawunkul min áfiboo kañ kuhaan. Mata akaan momuu, hufalenahu hawunkulahu fan huñakoo, li húlangul kañaku kuhaanaku min étaaŋayi ehaŋ maluuk.

Maak 2:21

«An áŋaleliit hufalen hata kañ kuwunkul min áfiboo kañ kuhaan. Mata akaan momuu, hufalenahu huwunkulahu fan huñakoo, li húlangul kañaku kahaanaku, min étaaŋayi ehaŋ maluuk.

Maak 3:24

Jáyii jilakomuu, ban bukanabuku kata jo li kutiikoo ló, fan jiyiisoo.

Hulimahu Hásuumaahu loon Saŋ akiic homuu 10:19

Muñeˈe kulimaku unku kan Yéesu alobumuu li kúji Kusuwifaku li kulaañen kuñakoo to kulim.

Hulimahu Hásuumaahu loon Saŋ akiic homuu 17:23

Min ínje éemi an ano li buko, awu li óomi an ano lí ínje, bájum li kulako li mal̥egenamu an ano, min adunaayi éhaasum tó kaanaku awu úboñulom, ban lufañiifañ loon ufañommuu.

Hulimahu Hásuumaahu loon Saŋ akiic homuu 7:43

Búsukabu bujamoolut to mata Yéesu áji.

Hulimahu Hásuumaahu loon Saŋ akiic homuu 9:16

Muñeˈe kukee li Kufaaliisiyeŋaku li koon: — Anáyinaawu ummu akaanumuu wahawu unwu abilumuloot li Ateemit, mata lahuusuuhuusul eluwaayi yata húyiiyaayahu. Bale kukee li koon: — Kama buu an ahoofoole ayilo akaan búhiisenum bájaahaleniye loon umbu? Li baj búñakoo li buko.

Bakaanelabu 4:32

Muñeˈe káyinenumuu li Yéesu li kujokoo loon an ano, min kubaj kayinoo kano, li hulim hano. Bajut an li buko aane wahawu wan abajumuu woola balewool, bale wahawu wan kubajumuu wooliil foofiil feh.

Kata Lom 1:13

Kutuyom, lifañe min jihaas kaanaku lilobeene ñameeŋe ebil booluul, bale boot yok muñeˈe bajebaj wah wáhilewommuu ibilum. Lifañe min bulokabu búmbaam bújiwuul li jank li káyinenaku kooluul li Yéesu Kilisita, loon foof bújimuu bukan kaabuku kaletumuu kusuwif li kúyinen li akila.

Kata Lom 12:1

Kutuyom, emmuu Ateemit lababbaj li alolaal káyiyen káamak, ínje ummu kama li kawankulenuul min jisenool siniilasu sooluul saloŋumuu min silako kasila kanabe ban li kúsuumool. Muñowu jóotimuu jikaan min jimanen Ateemit li mal̥egen.

Kata Lom 12:16

Jijokoo jile keb. Jakum jikaan bukan kayilo háamaketo, bale jiŋa’ uyinumuul jikaan li wah walewoo to. Jakum jijokoolo bukan kájallowe.

Kata Lom 15:30

Kutuyom, boot min íjowum li Amaaŋenawu oololaal Yéesu Kilisita li húbooliyahu hata Buyinumabu Banabaabu, min iyaakuul eenuul: uhankenaal li mano min utajaal li kal̥aw Ateemit boot lí ínje.

Kata Lom 16:17

Kutuyom, ínje ummu li kal̥awuul min jíkaanum bukanabuku kájiyemuu bugiiloo li bubaj li bukuluul, ban li kunaak kuceeŋ kulimaku kan kuliikenewuulumuu min kújimen bukanabuku káyinenumuu li Kilisita. Jíloyiyiil.

1 Kata Koolent 1:11

Li mal̥egenamu, kutuyom, bukanabuku kata butoŋabu bata Kólowe kulobonlob koonom babbaj úmuy li bukuluul.

1 Kata Koolent 11:18

Wahawu útiyaalawu wo wommuu, nan jiwoogemuu bajebaj bugiiloo li bukuluul, loon ijamumuu, ban líyinenyinen jakee kaanaku mal̥egen.

1 Kata Koolent 12:25

Lakankaan mo jakum bil baj bugiiloo li eniilayi, bale ugebawu unwu feh wábutoomuu, ulambenoolambenoo.

1 Kata Koolent 3:3

Mata jiloŋe li jiloŋ loon bukanabuku kata adunaayi inye kuloŋemuu. Emmuu li mal̥egenamu babbaj li bukuluul batii li úmuy, inti wahawu unwu úhihhiis kaanaku bukuluul bukan kata adunaayi inye joom? Ban inti jilonloŋ loon bukanabuku kuloŋemuu?

1 Kata Koolent 4:16

Muñeˈe kama lil̥awuul min jinaak jikaan loon ínje ikaanemuu.

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

2 Kata Koolent 13:9

Súumewolisuum nanoonan, nan áloli jígootowe ban bukuluul li jibaj sembe. Wahawu wan áloli jil̥awemuu, wo wommuu min bukuluul jilaañen jilako jak.

2 Kata Koolent 5:20

Alóli bukan joom kan Kilisita aboñe boot elob li kajaw koola. Kulimaku kan áloli jilobuulumuu, nokoonokoo loon Ateemit humumool ahooñe li bukuluul. Alóli jumbuku li kayaakuul li kajaw kata Kilisita, min jikat Ateemit min akaanuul jibaj hujamoo li akila humumool.

2 Kata Koolent 6:1

Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to.

Kata Galasi 4:12

Kutiyom liyaakuul, jikaan loon ínje, mata ínje humumom lilanlaañ inokoo loon bukuluul. Bajut no wah wan jitilene lí ínje.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 3:16

Tan úliiŋaamee, kaan min kaane, alolaal li ujukelaal to min unabaal li bútinabu ban uŋalaamuu boot muñeˈe.

1 Kata Tesalonik 5:13

Jíhiisiil kaanaku jiluukeniiluuken ŋáa’ ban li jíbooliyiil, mata bulokabu ban kommuu li kakaanaku búji. Kásuumaay kubaj li tutuul.

2 Kata Tesalonik 2:1

Muñeˈe mata élaañulayi yata Amaaŋenawu li mata huwoogahu hoololaal li akila, kutuyom, wah wano jil̥awuul:

1 Tímote 5:21

Fan ilobi hákil Ateemit li Yéesu Kilisita, li foof hákil kumalakaaku kal̥usimuu eeni: ukaan loon kulimaku unku kulobumuu ban jakum ulaañ bata anoowan, jakum ujuke li buul.

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni:

1 Fiyeel 2:11

Kutuyom kan iboolaat, ínje ummu li kawunkulenuul bukuluul janokoomuu loon kuñaahoola li ejawoola li etaamaye, min jitey kásiibowaku kata siniilasu sooluul kammuu li katiiken saalasu sooluul.

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.