Tito 2:3 - Kaxinawá Bíblia (BR)

Aĩbu ewabu hatu merabewakatsi yusĩkĩ habiaskari hatu akubaĩwẽ. Hatũ hiweawẽ pe hiwekĩ Deuskiri hau pe xinãnũbũ inũ, hau ana yuãnanãyamanũbũ inũ, hau ana paẽyamanũbũ inũ, haska Deusũ abumis hawẽ hiweawẽri hau dasibibu uĩmakubainũbũ hatu yuikubaĩwẽ.

Kashinawa : Diosun Jesúswen taexun yuba bena yiniki

Ainbu ewabu jatu medabewakatsi yusinkin jabiaskadi jatu akubainwen. Jatun jiweawen pe jiwekin Dioskidi jau pe shinanunbun inun, jau ana yuanananyamanunbun inun, jau ana paenyamanunbun inun, jaska Diosun bechipaimis jawen jiweawendi jau dasibibu uinmakubainunbun jatu yuikubainwen.

Tito 2:3 Referencias Cruzadas

Romanos 1:29

Eska tibi matawaibuwẽ taeshunã, hawẽ atimapaiburã, txutanametxakaiburã, yauxiaiburã, ha pewẽ hiweama txakabuwẽ hiweairã, betsabu hatũ hawara hayawẽ hatuki sinataiburã, yura betsa tenaĩburã, detenameaiburã, txani txakabaunaiburã, beparameaiburã, yuãnanaĩburã, haskai hiweabuki.

Romanos 16:2

hikiai ikĩ haska Jesusunabu mã duawamis keska wakĩ Febe itã hamapai tibi hayama inãkĩ merabewashãkãwẽ, ea inũ nũ ikũwaĩbu betsa betsapabuwẽ nuikĩ nuku merabewakubaĩmis kaikikirã.

Efésios 5:3

Hanushũ ikũwãbumã hatu ati wakĩ hawa txakabuki dakeama yuikĩ hamapaiwẽ kemuhairakubaini hiwemisbuki. Hakia matuburã, ana hatu keska hiweama haska ikũwaĩ hiweti betsahaira hiwekĩ txutanamebaũmisbukiri ana xinaĩ hãtxama inũ txakabu atimapa tibi ana xinaĩ hãtxamari inũ kemu paekiri ana xinaĩ hãtxama haska Deusũ hawenabu uĩkatsi ikai keska besti txibaĩ hãtxakubaĩkãwẽ.

1 Timóteo 3:11

Habiaskari wakĩ aĩbuaiburi merabewanika katukatsis ikinã, hakiri pe xinaĩ haki kasheisbuma inũ, hatũ txani tuekĩ hatu nĩkamaisma inũ, patapai kasheisbuma inũ, dasibi hawẽ pepa hatu uĩmakubaĩmisrã, haska keskabu besti akubaĩkãwẽ, katukinã.

1 Timóteo 3:8

Habiaskari wakĩ merabewanikabu katukinã, eskari akubaĩkãwẽ. Hunibũ hakiri pe xinaĩ haki kasheisbuma inũ, hawara yubaka bestitã kaneisbuma inũ, paeĩsbuma inũ, hatu beparãtã pei inũ hatũ mabu ibubis binumatã itxawaisbuma hau ikubainũbũwẽ.

1 Timóteo 5:23

Mĩ hatu babu mĩ isĩkũkaĩmiswẽ taeshũ ana ũpash besti akama uva vinho hushkeixtatã akubaĩwẽ, bari tibirã.

Tito 1:7

Ha daya pepa ikatsi ikĩ hatu bebushunũbũ mĩ hatu katutirurã, bebukĩ Deusũ enabu hatu mekemakatsi ikĩ haska tibi Deusũ abuai akatsi ikaibu hatu katukĩ yunukinã, hatũ hiwea hawa txakabu hayama pe besti ikubainaibu hatu akubaĩwẽ. Hatũ xinã betsa maewatirubuma akama inũ, sina besu akama inũ, paẽkatsis imisbu inũ, hãtxawẽ hatu bekũyã amisbu inũ, hatu beparãtã hatũ pei inũ hatũ mabu ibubis binumatã pei itxawamis haskabu uĩtã katutimaki.

Tito 2:4

Haska wakĩ txipax beneyabu yusĩkĩ hau hawẽ bene abunũbũ inũ hau hawẽ bakeburi abukĩ duawakubainũbũ hatu unãmakĩ hatu yusĩkubaĩwẽ.

Hebreus 5:12

Ha inũ, bari itxapa ikũwãbiakubaini mã yusĩnanãriamaki. Hakia natiã yusĩa betsa betsapa Deuskiri hau tsuabũra unãshubira matu meshtãmabaĩkĩ ana yusĩ pewanũbũwẽ. Hamẽ ha dukũ hawaira abukĩ ikũwãkĩ mã tapĩnibuki. Hakia natiã mã ma punu nukai babuhairaii. Hanũ piti kuxipa pinũ ika keskama mã bakeixtã txutxu heneriama keskabuki.

Apocalipse 2:20

Mã haskabiai eska besti matu anu hayaki. Ha aĩbu mã Jezabel wamis hatũ txakabuwaikiri mã nemaisma ha bestikiri matu yuinũ nĩkakãwẽ. Ha Jezabelĩ matu parãkĩ yuikĩ: Eãri Deusũ hãtxa ẽ yuimiski. Ea nĩkakãwẽ, matu watã mã ẽ tsumabu bestibu matu itxawashũ yusĩkĩ yuikĩ: Aĩbu mĩ aĩmabe mĩ txutanamearã, peki. Huni mĩ benemabe mĩ txutanamearã, periki. Hamapaibe txutanamearã, periki, akĩ pitikiri matu yuikĩ: Ha yushĩ dami betsa kẽwãti nami inãmisbu mã piarã, hawa txakabumaki, iwanã, matu parãkĩ matu txakabuwamakubaĩmiski.