Salmos 43:3 - Kaxinawá Bíblia (BR) Mĩ mati meribi mĩ hanu yubakani hari mĩ hiwea anuri ea iyukĩ mĩ bai shabakabi txasha wakĩ mĩ txanima hãtxawẽ ea uĩmawe, hau hatũ mĩ bai ea yusĩkĩ tapĩmanunã. |
Dama Jerusalém anu hiwetanũ ika mĩ hikishinaki. Haskawẽ taea: “Ebe kawe”, ẽ mia watirumaki. Hanira emebi ẽ kai ẽ unãmawẽ taeshũ mĩ nukube kanũ, iwanã, ẽ mia yuitirumaki. Minabu iyui mĩ hiwe anu txĩtũrikaĩtãwẽ. Mĩ haskakainairã, peki. Mĩ ewẽ nuiaya hau Senhor Deusũ mia duawakĩ merabewakubaĩshanũwẽ— aka
shanẽ ibuhaira Davi kashũ Deusbe hatunabu hãtxashunika Zadoque yuikĩ: —Maewã Jerusalém anu Deus hatube yubakani hãtxa aruni bau bui txĩtũkaĩwẽ, Senhor Deus ewẽ nuikĩ ea merabewa ana txĩtũkirã hawẽ hãtxa aruni bau inũ hawẽ tari hiwe hania ẽ ana haki nukutirumẽkainã.
“Ha Shanẽ Ibu ẽ katuni ẽ yunushanai ha meribi mae pepa mati Sião anu shanẽ ibushanikiki”,
Senhor Deusuũ, ea betxipaiama ikama ewẽ nuikũkaĩwẽ. Mĩ nuikipawẽ inũ mĩ shinã kayabi mĩ betsa waismawẽ hawa heneama ea mekekubaĩwẽ.
Ea haska tibi yuikĩ ea shinãmabu eã dasibi ẽ hawẽ bika teneai ẽ huĩti ẽ mia bepẽshũmiski. Mĩ tari hiwe anu enabu ẽ hatu iyuaya habũ ekiri shinãkĩ benimakĩ hatũ huĩti hirabiwẽ haska mia kẽwãkubaini nũ haskanirã, ẽ shinaiĩ. Mikiri besi pepa ẽ hakimamaki!
Hene ewapa teshesha daberã, haburã, Deusũ mae hawẽ benimakanikiki. Deus dasibi binuatũ mae meribi txakabumahaira hawẽ benimaikiki.
Haska nukũ shenipabu Abraão inũ Jacóbe mĩ yubakani keska wakĩ, Senhor Deusuũ, merabewakĩ nukuwẽ nuikĩ mĩ yubakani hãtxa nuku hakimawayamakubaĩshãwẽ.
Eki sinataibu Israel anuabuũ, ẽ txakabuwẽ taea ibubis ẽ bika teneai uĩ ewẽ benimayamakãwẽ. Ẽ di ibiaima ẽ ana benikauãshanaii, txakabu meshu keskatũ ea atxibiabaũkẽ Senhor Deus ẽ shaba keska ẽ mekenã txashakapaki.
Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.