Salmos 42:4 - Kaxinawá Bíblia (BR)

⁴ Ea haska tibi yuikĩ ea shinãmabu eã dasibi ẽ hawẽ bika teneai ẽ huĩti ẽ mia bepẽshũmiski. Mĩ tari hiwe anu enabu ẽ hatu iyuaya habũ ekiri shinãkĩ benimakĩ hatũ huĩti hirabiwẽ haska mia kẽwãkubaini nũ haskanirã, ẽ shinaiĩ. Mikiri besi pepa ẽ hakimamaki!

Salmos 42:4 Referencias Cruzadas

2 Reis 18:30

Hamẽ nuku nĩkama matũ shanẽ ibu Ezequiasĩ shinãkĩ matu yuikĩ: “Senhor Deusũnã, txanima kayabi nuku merabewashanikiki, hatu nuku nemashũkinã. Na maewã Jerusalém Assíria nawa shanẽ ibuhairatũ hau atxiyamashanũ Senhor Deusũ amama hatu nemahairashanikiki”, akĩ matu yuibia

2 Reis 18:32

Txipu misi inũ, uva vinho hau washanũbũ shekiwã trigo bai inũ, uva bimi bai haya ha inũ, piti sheni wati oliva hi inũ, buna bata itxapa hayari mai pakea pepa matuna keskari anu ẽ shanẽ ibuhairatũ matu dasibi iyushanikiki. Matu haska wa mã hiwei pekubaĩtirubuki. Buni mã mawama ikũkaĩshanaii.” Hamẽ mã nuku nĩkama Ezequiasĩ matu parãkĩ yuikĩ: “Senhor Deus hushũ nuku merabewaiwẽ taea hawa dateyamakubaĩshãkãwẽ”, matu wakubainairã,

Salmos 100:4

Deusũ hiwe beputi anu inũ hawẽ hemaĩtĩ kenekauana anu hiki bekãwẽ, ha kẽwãkĩ inũ pepawakĩ kãtashũkinã. Dasibi Deusũ matu ashũmiswẽ taeshũ pepawakĩ kẽwãkãwẽ, hawẽ kena pepawẽ duawakinã,

Salmos 115:2

Haskakĩ ikũwãbumã nuku yukakĩ: “Hanimẽ, matũ Deusrã?” ikaibũ

Joel 2:17

Senhor Deusũ kẽwãti hiwe Templo hemaĩtĩ anu itxabu bebũ nikaĩ Deusbe nukunabu hãtxashunikabu Senhor Deus dayashũmisburã, ha meribi dĩtu beputi anu hawẽ kẽwãti txi tapu namakis nia kashakĩ eska hãtxa Senhor Deus hau yuinũbũwẽ: “Senhor Deusuũ, minabũ txakabu tere atã ana shinãyamawe, hau ana tsuabura minabuki kashekubaĩyamanũbunã. Minabu nawa betsabũ hatuna wakĩ ibuwatã hau ana hatu yunuyamashanũbũwẽ. Habũ ikũwãbumã mikiri hatu yukakĩ: ‘Hania, matũ Mekenika Deusrã? ikĩ hau ana haska hatu yuiyamakubainũbũwẽ’ ”, ikaibũ

Lucas 16:25

Abraãonẽ yuikĩ: “Baa, eskaki xinãwẽ. Mĩ hiwearã, hawa bika teneama mabuhairaya mĩ hiwekũkainimaki. Mĩ haskaya Lázarorã, nuitapakĩ isĩ txakabu besti tenei hiwekũkainimaki. Hakia natiã Lázaro Deusũ duawakĩ mia kupiaiwẽ taea mĩ nuitapaii.

Rute 1:21

Nenua beneya inũ bake dabeya ẽ kaĩkainiki. Natiã nenu ana huirã, haska Senhor Deusũ betxipaikĩ ea akima beneuma inũ bakeumari ẽ txĩtũkiranaii. Haska wakĩ Senhor Deus kushipahaira dasibi binuatũ ea nuitapawakĩ yumãwãkĩ ea kupiniwẽ taeshũ mã ea ana “Noemi Batapa” wakĩ kenatirubumaki— hatu wa