Salmos 46:4 - Kaxinawá Bíblia (BR)

⁴ Hene ewapa teshesha daberã, haburã, Deusũ mae hawẽ benimakanikiki. Deus dasibi binuatũ mae meribi txakabumahaira hawẽ benimaikiki.

Salmos 46:4 Referencias Cruzadas

Salmos 23:2

Basi pepa anu ea iyutã ea huĩrukũmamiski. Hanu ũpash pes dakanu iyushũ ea amamiski.

Salmos 43:3

Mĩ mati meribi mĩ hanu yubakani hari mĩ hiwea anuri ea iyukĩ mĩ bai shabakabi txasha wakĩ mĩ txanima hãtxawẽ ea uĩmawe, hau hatũ mĩ bai ea yusĩkĩ tapĩmanunã.

Salmos 65:9

Miã besti mai hirabi mekeshũ ui imakĩ dasibi mĩ benemamiski. Miã hene bai tapia tibi txara txara imakĩ nashimakĩ shekiwã trigo mĩ benemamiski. Haska wakĩ yunu bai wabu tibi mĩ hatu pewashũmiski.

Salmos 91:1

Tsuara Deus dasibi kushipa binuatũ hatu meke pewashũ utawa pe hiwemisbũ

Isaías 60:14

Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Miquéias 6:6

Senhor Deus daewanũ ishũ eska mã shinãmisbuki. Daewakĩ Senhor Deus manaũri hiwea kẽwãkĩ hawa pepa ẽ inãkuĩtirumẽ? Ina awa bene ano bestitxaiya tesẽtã hawẽ nami inũ hawẽ sheni Senhor Deus kẽwãkĩ hau ea kuashunũbũ, iwanã, nukunabu Deusbe hãtxashunikabu yunukĩ ẽ daewatirumẽ? ishũ mã haska shinãmismẽ?

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Apocalipse 21:10

ha nai tsuma ẽ yushĩki nukushũ nama keskawẽ mati keyatapa anu ẽ yushĩ ea iyushũ Jerusalém maewã pepahaira meribi Deusũ nai anua buteai ea uĩmaxina matu yuinũ nĩkakãwẽ.