Provérbios 18:12 - Kaxinawá Bíblia (BR)

Ha dukũ kanei ibubis kẽkũkainaiwẽ taearã, txipu ana hawa hayama keyushanikiki. Hakia ibubis keĩsmarã, txipu hawẽ hamapai hawẽruawai shabakabishanikiki.

Provérbios 18:12 Referencias Cruzadas

1 Reis 3:7

Ẽ mekenika Senhor Deusuũ, ẽ berunã ẽ shinã hayariamabiakẽ miã ẽ epa Davĩ shãtukũ mĩ ea tsauĩmaki, Israelĩ enabu ẽ yunukubaĩshanunã.

Provérbios 11:2

Tsuara ibubis kẽbiamis hawara txakabu ashiã tashniaya dakeshanikiki. Hakia habu ibubis hawa keĩsbumarã, unanepaki.

Provérbios 15:33

Senhor Deusũ nemati hãtxa tsuara hawẽ datekinã, hawẽ unanepakĩ tapĩkubaĩmisbuki. Txipu matu kẽwãshanaiburã, ha dukũ ibubis keãma pe hiwekũkaĩtiki.

Provérbios 16:18

Ha dukũ kanei ibubis kẽkũkainaiwẽ taearã, txipu txakabu dasibi hukĩ beshte keyushanikiki.

Lucas 14:11

Habiaskari wakĩ tsuara ibubis kẽmis Deusũ dake washanikiki. Hakia tsuara ibubis keĩsma Deusũ kẽwãshanikiki. Nĩkairakãwẽ— iwanã,

1 Pedro 5:5

Habiaskariakĩ habuã mã hatu txibaĩbuũ, mekenikabũ matu yusĩkĩ yunumis nĩkatã hatũ hãtxa txibãkubaĩkãwẽ. Dasibi mã habũ ikũwaĩburã, babutã keãma nĩkakanãkubaĩkãwẽ, eskawẽ taearã. Deusũ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.