Provérbios 17:8 - Kaxinawá Bíblia (BR)

Hawarawẽ hatu duawakĩ taewabaĩkĩ pei kasmai mabu hune hatu inãkubaĩkĩ: “Ẽ hatu haska wa ea merabewatirubuki”, iwanã, shinãkubainaiwẽ taeshũ hawara hawẽ txakabu ashũtirubuki, yushĩ txakabũ kushipa haya ikũwaĩ keskawenã.

Provérbios 17:8 Referencias Cruzadas

Gênesis 32:14

200 txashuwã yushã inũ, 20 txashuwã bene inũ, 200 cabra yushã inũ, 20 cabra bene inũ,

Gênesis 32:21

hawẽ tsumabu inãkuĩti habu dukũ bebũkiri yunua pashku pukei buaibũ hanua ha kayuama meshu merã bai putxinĩ niti ika usha ishĩ

Gênesis 43:11

hatũ epã ana hatu yuikĩ: —Haska ẽ matu yunutirumabia ẽ hawawẽ haskatimaki. Ẽ matu heneshunai ea iyũritãkãwẽ. Matũ saku merã matũ mabu pepa hamẽ inãti bushũtãkãwẽ, isĩ pushati dau inũ, buna bata inũ, hawẽ nis wati inũ, sheni hene hawẽ iti inũ, tamawã dabe terebinto inũ amêndoarã. Ana pei betsa butãkãwẽ. Saku merã matu inaĩma pei hesherã, habiari ana bushũtãkãwẽ. “Mĩ kaneimamẽkaĩ. Nukũ pei biama mĩ hakimaimamẽkaĩ”, atãkãwẽ. Hanushũ matũ betsa mashku iyukĩ ha shanẽ ibu uĩmatãkãwẽ. Hanua Deus kushipa dasibi binua matuwẽ nuiaya ha Egito shanẽ ibũ Simeão inũ Benjamim eanu ana txĩtũwãshanimẽkaĩ. Mã ẽ bake ea mebĩ keyubaina ẽ bakeuma ishanimẽkaĩ. Haska ẽ shinainã, ẽ haskayuairã— hatu wa

Salmos 19:6

Nai uke betsauria bari tashnikiranarã, dũkebauni uke betsa meshti iki ibukũmiski. Hawẽ txasha shana bakai danaĩ tsua hani pashatirumaki.

Provérbios 17:23

Hawara pepa betsa wakĩ txakabuwanũ, ishũ, huni txakabubũ shanẽ ibu kushipabu hune hatu pei inãkubaĩmisbuki.

Provérbios 18:16

Shanẽ ibuhaira betsabe hãtxanũ ishũ tsuãra hawẽ daewati pepa beshũ hawẽ tsuma mĩ inã mia bitxitiruki.

Provérbios 21:14

Tsuara sinata txakayamabiaya ha haki sinataitũ hune hawara inãkuĩkĩ ha sinatahairai daewatiruki.

Isaías 1:23

Haska inũ, matũ shanẽ ibuburã, sinatapa yumetsubũ haibuaibuki. Ana pei mais hatu pewashũkatsi ikama hatu parãkĩ hatũ peiwẽ besti hatu itxakawakubaĩkanikiki. daketapai ea inãkuĩwẽ ika ea ikĩ bena bestikubaĩkanikiki. Bake ibuumabu hatu pe merabewati shinãbiai habũ hatu uĩs bestikanikiki. Ha inũ, aĩbu beneyabiani beneumabukiri habũ hatu merabewai pe hãtxashũkatsi ikama hatuki petxiabuki.

Amós 5:12

Kanekubaĩkĩ matũ txakabu heneama mã akubainai ẽ unãhairaii. Pepabu bika tenemakĩ mã hatu danãkubaĩmisbuki. Hau hatũ txakabu kaka wayamanũbũ hune hatũ pei mã hatu biãmiski. Pepa inũ txakabu mã unãti wanikabu bebũshũ habu nuitapaibũ matu merabe yukabiabu mã hatu pewashũkatsi isbumaki, hawa hatu merabewamarã.

Miquéias 7:3

Hatũ shanẽ ibubunã, eska hatu wakanikiki. Hatu dayashunũ, iwanã, shanẽ ibu beshmasbũ pei hatu yukakĩ hawena wakubainaibũ shanẽ ibu betsa unãti wanikabũ hune hatu pewakĩ pei bikĩ hatũ txakabuwẽ hatu kupisbumaki. Kushipabũ haska akatsis ikai akubaĩkĩ, maewã hirabi atimapa wakĩ hau txakabu bestinũbũ yusĩkubaĩmisbuki.