Isaías 1:23 - Kaxinawá Bíblia (BR)

²³ Haska inũ, matũ shanẽ ibuburã, sinatapa yumetsubũ haibuaibuki. Ana pei mais hatu pewashũkatsi ikama hatu parãkĩ hatũ peiwẽ besti hatu itxakawakubaĩkanikiki. daketapai ea inãkuĩwẽ ika ea ikĩ bena bestikubaĩkanikiki. Bake ibuumabu hatu pe merabewati shinãbiai habũ hatu uĩs bestikanikiki. Ha inũ, aĩbu beneyabiani beneumabukiri habũ hatu merabewai pe hãtxashũkatsi ikama hatuki petxiabuki.

Isaías 1:23 Referencias Cruzadas

Provérbios 17:23

Hawara pepa betsa wakĩ txakabuwanũ, ishũ, huni txakabubũ shanẽ ibu kushipabu hune hatu pei inãkubaĩmisbuki.

Isaías 1:17

Pepa besti atikiri tapĩrikãwẽ! Tsua ana parãtima menã pepati hawaira benakãwẽ! Hatu itxakawaibu hatu merabewakãwẽ! Yunuti hãtxawẽ taeshũ bake ibuuma hatu itxakawama hatu merabewa bestikubaĩkãwẽ! Beneyabiani ana beneumabu hawẽ hiweawẽ bika teneai merabewai hãtxashũkubaĩkãwẽ!” itã

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Isaías 1:22

Mĩ prata pei karu keska ibiani eskatiã maei mĩ txaka putamisbu keska bestiki. Mĩ uva vinho pepa keska ibiani ana haskama txĩtũtã mĩ ũpash paisma keska bestiki.

Isaías 28:14

Shanẽ ibukĩ hãtxa atimapawẽ yuikĩ mã Jerusalém mae yunumisbuũ, Senhor Deusũ hãtxa nĩkakãwẽ.

Isaías 30:1

Deusũ hawẽ hãtxa mestẽwãkĩ yuikĩ: “Ẽ yusiã nĩkaisbumã bakebuũ, mã peirashãkãwã! Ebe hãtxai yubakamabia mã ibubis yubakaii. Haska eã daya shinãkĩ ẽ matu yunuamabia ibubis matumebi daya tibi akatsis ikĩ mã katumisbuki. Haska shinãkĩ mã itxawamisrã, txakabu itxapa mãtxiã keska wakĩ mã ewawaii.

Isaías 33:15

eskabu besti hiweshũ yuimisbu, habu pashatiruki. Habu pe hiwekũkaĩkĩ hãtxa txanima yuimisbu inũ, habu mabuwẽ kemui hiwekĩ betsabu itxakawaisbuma inũ, mabu inãkuĩ bitã hatu hawẽ parãkĩ hatũ shinã betsa wamaisbuma inũ, pubẽbũ shinã habũ nĩkatã hatu txibaĩsma inũ, txakabuaibu hatu uĩkĩ txibãkatsi ikama bekua keskashũ shinãmisburã,

Isaías 65:2

Ha enabu sinatapabũ ea nĩkabumabiakẽ hawẽtsaĩs ea anu hatu txĩtũwanũ ishũ ẽ hatu meshãshũbia hawa ea nĩkama haska hatũ bai txakabu besti tanakĩ hatũ shinanẽ besti haska betxipaiai aki hawẽ kẽmisbuki.

Amós 5:12

Kanekubaĩkĩ matũ txakabu heneama mã akubainai ẽ unãhairaii. Pepabu bika tenemakĩ mã hatu danãkubaĩmisbuki. Hau hatũ txakabu kaka wayamanũbũ hune hatũ pei mã hatu biãmiski. Pepa inũ txakabu mã unãti wanikabu bebũshũ habu nuitapaibũ matu merabe yukabiabu mã hatu pewashũkatsi isbumaki, hawa hatu merabewamarã.

Miquéias 3:11

Shanẽ ibu beshmas unãti wanikabũ nukũ mae anushũ hune pei bikatsi hatũ txakabu pewakĩ hatu parãmisbuki. Deusbe nukunabu hãtxashunikabũ hatu yusĩkinã, pei binũ ishũ besti hatu yusĩkubaĩmisbuki. Hamẽ Deusũ hãtxa yuishunikabũ Senhor Deusũ haska akaiwẽ benimawai dabanẽ Deusũ unãmashina yuikatsi pei bitã hatu yuikĩ: “Nukũ shanẽ ibu Senhor Deusrã, nukubeki, nuku mekekubainairã. Nuku merabewamiswẽ taea hawa txakabu nuku anu hutirumaki”, iwanã, “hatu yuimisbuki.

Miquéias 3:9

Israelĩ enabu shanẽ ibubu inũ yununikabuũ, ikis ana eska nĩkakãwẽ. Yunuti kushipa pepa danãkĩ betxipaiama hawara pepa dasibi yushtumabiakẽ mã yushtu wakĩ keyumis keskabuki, eska tibi akinã.

Miquéias 6:12

Na maewã anu dasibi peiyabũ hatu itxakawakĩ mabu inũ peiwẽ kemukĩ hatu paraĩ txanitxakakĩ harakiri hatu nitimawakanikiki, hatunas wakinã.

Miquéias 7:3

Hatũ shanẽ ibubunã, eska hatu wakanikiki. Hatu dayashunũ, iwanã, shanẽ ibu beshmasbũ pei hatu yukakĩ hawena wakubainaibũ shanẽ ibu betsa unãti wanikabũ hune hatu pewakĩ pei bikĩ hatũ txakabuwẽ hatu kupisbumaki. Kushipabũ haska akatsis ikai akubaĩkĩ, maewã hirabi atimapa wakĩ hau txakabu bestinũbũ yusĩkubaĩmisbuki.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Números 22:7

Moabe nawabu shanẽ ibu beshmasbu inũ Midiã nawabu shanẽ ibu beshmasburi hawẽ hatu yupushunai hawẽ pakati peiya bui mae Petor anu hikishũ hatũ shanẽ ibuhaira Balaquẽ hãtxa dasibi Balaão yuiabu

Mateus 21:13

hatu ha akĩ yuikĩ: —Hawẽ Templokiri hawẽ hãtxa yuishunika Isaías Deusũ kenemani matu yuinũ nĩkakãwẽ. “Ẽ hiwerã, hanua ebe hãtxakĩ ea kẽwãshãkanikiki”, ibianikẽ na hiwe hemaĩtĩ shabaturu anua mã yumetsubũ hiwe wamisbuki— hatu wakĩ hatu nitxĩkĩ tashnimakĩ keyuaya

Marcos 11:17

ana shanẽ ibubu hatu txitekĩ yuikĩ: —Hawẽ Templokiri hawẽ hãtxa yuishunika Isaías Deusũ kenemani matu yuinũ nĩkakãwẽ: “Ẽ hiwerã, hanua yura betsa betsapabu ebe hãtxakĩ ea kẽwãshãkanikiki”, ibianikẽ na hemaĩtĩ shabaturu anua matubu parananãkĩ yumetsubũ hiwe mã wamisbuki— ikaya

Lucas 19:46

yuikĩ: —Hawẽ Templokiri hawẽ hãtxa yuishunika Isaías kenemani matu yuinũ nĩkakãwẽ: “Ẽ hiwerã, hanua ebe hãtxakĩ ea kẽwãshãkanikiki”, Deus ibianikẽ na hiwe shabatururã, hanua matu parananãkĩ yumetsubũ hiwe mã wamisbuki— iaketãkĩ hatu nitxĩ keyutã

Lucas 24:27

Deusũ Moisés yusĩa keneniwẽ hatu yusĩ taewakĩ Deusũ hãtxa yuishunikabu dasibibũ yusĩa hãtxawẽri Jesusũ hatu yusĩkĩ hatu unãmakubainaya

Santiago 1:27

Hakia tsuabũra txanima Deus hiwea kẽwã kayabikĩ nũ akaiburã, nũ eska itirubuki. Matu yuinũ nĩkairakãwẽ. Nũ pepa hawa txakabuma ikatsis ikairã, nukũ Epa Deus benimawakĩ eska uĩmakubaĩkãwẽ. Bake ibuumabu inũ, aĩbuaibu hatũ bene ana hayabuma nuitapaibu habuwẽ nuikĩ habũ hawara bishũkĩ hatu merabewakubaĩkãwẽ. Ha inũ, hamapai yurabũ akai txibaĩ kemui irumapayamakubaĩkãwẽ.

1 Samuel 8:3

hatu haska wakĩ hawẽ bakebu hatu katushũbiaima hatũ epa pepakũkaĩmis keskama hakia ibubis kemuhairai shinã txakakĩ pei hune binũ, iwanã, hatu yukakubaĩkĩ hawara yunuti pepa txibãma ikubainaibuwẽ taea