Neemias 2:7 - Kaxinawá Bíblia (BR) hanushũ eã yuikĩ: —Judá enabũ mai pakea anu ẽ kai hau ea nemayamashanũbũ Hene Eufrates ukeri bari kaikiri hiweabu habũ yununikabu shanẽ ibu beshmasbu yunukĩ ekiri ea hatu keneshũwẽ, haska mĩ betxipaiai keska wakinã. |
Haska keneni betxishunabu uĩtã Hene Eufrates kesha betsauri bari kaikiri mai pakea yununika hawẽ kena Tatenai inũ habianuri shanẽ ibu beshmas Setar-Bozenai inũ habe dayamisbu hatu yunukĩ Pérsia shanẽ ibuhaira Dariõ eska hãtxa hatu kenematã hatu anu yunukĩ: “Maturã, Jerusalém henebirani kaĩribirãkãwẽ.
Haska inũ, mã enaburã, ea ẽ shanẽ ibuhaira Artaxerxesĩ Hene Eufrates bari kaikiri anua mã pei mekenikabu dasibi ẽ matu yunuaii. Deus nai anuatũ yunuti hãtxa unãhairai Esdras hawenabu Deusbe hãtxashũmistũ hawara dasibi matu yukai hawaira inãshãkãwẽ.
Kai Hene Eufrates ukeri bari kaikiri hiweabu yununika shanẽ ibu beshmasbu shanẽ ibuhairatũ hatu keneshũshina ẽ hatu inãniki. Ea haska besti nitxiãma hau habũ ea mekebainũ hawẽ detenamenikabu shanẽ ibu beshmasbu inũ cavalowẽ katsaumebaĩmisbu itxapaya ebe shanẽ ibuhairatũ hatu yunuyamaki.