Mateus 15:13 - Kaxinawá Bíblia (BR)

Jesusũ nukuri yuikĩ: —Tsuabũra ea inũ ẽ Epa ikũwãma nukũ hãtxa danaĩbu ẽ Epãri hatu danãriashanikiki, mibã tsuã banama hamebi hukuĩma tatxayabis betsea keska wakinã.

Kashinawa : Diosun Jesúswen taexun yuba bena yiniki

Jesúsun nukudi yuikin: —Tsuabunda ea inun en Epa ikunwanma nukun jancha danainbu en Epandi jatu danandiaxanikiki, miban tsuan banama jamebi jukuinma tachayabis betsea keska wakinan.

Mateus 15:13 Referencias Cruzadas

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Mateus 15:12

hanua nũ hawẽ tsumabũ xinãbirã Jesus dapi nitã nemakĩ: —Ha fariseubu mĩ hatu yusĩaĩ nĩkatã mia nĩkama miki sinataiburã, mĩ uĩyamamẽ?— nũ wa

João 15:1

nũ benibaunaibu nuku ana yuikĩ: —Ana betsa matu yusĩnũ nĩkayukãwẽ. Earã, ẽ uva bana nia hawẽ tashu kayabiki. Ẽ Eparã, mibã ibuã mekekĩ meurumiski.

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

João 15:6

Ea haibuwama ewẽ petxiarã, hawẽ mebi bimiuma meshtetã putaima barĩ shana waxina itxawashũ kua keska wakĩ Deusũ txi anu hatu urẽshanikiki.

Judas 1:12

Haska inũ, mã Jesus txibaĩbu itxatã duanamekĩ mã piaibũ ha parananãmisbu dakei hawa dateama matube naxui itã pike bestikĩ tsua duawama benimanikapaikĩ matu dakewamisbuki. Habu mekenikabia ibubis besti hawẽ yura xinaĩ mekemisbuki. Habũ yusĩanã, nai kuĩ hushupa nuyabainaya ui huama mai metxawaisma keskai habu hãtxahairakĩ yurabu merabewakĩ kuxipa waisbumariki. Ha inũ, hanu ni bimiyamisbutiã hi betsa betsapa bimibiamiskẽ habu hãtxãwaĩbu nĩkakĩ hawẽ merabewati hi bimiuma shanaxina betsea keskai parananãmisbũ tsua merabewaisbumaki.