João 15:2 - Kaxinawá Bíblia (BR)

² Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

Kashinawa : Diosun Jesúswen taexun yuba bena yiniki

² Jatidi mebi tibi bimi jayamaken mextexun putamiski. Jakia jawen mebi tibi bimiyamis ana bimijaida wakin jawen ibuan bumextekin pewamiski, jau ana katakutan bimijaidanunan. Ea ikunwainbu en Epa Diosun jabiaskadi waxanikiki.

João 15:2 Referencias Cruzadas

Provérbios 4:18

Huni pepabu hawẽ hiwea hawẽruai penai shabai taeitiã bari kaĩkirani bari mananãbi daka txasha txasha itxakayamai keskai ana pehairakubaĩmisbuki.

Malaquias 3:3

Hua tsaushũ Israelĩ huni bake Levĩ enabu nukunabu Deusbe hãtxashunikabu unãti wakĩ hatu pepa washanikiaki, mane prata hushupa inũ mane ouro tashipa txi anu kukatsa akĩ hawẽ detsis urẽkĩ has wamisbu keska matu wakinã. Ma matu pewakẽ haska Moisĩ hatu yusini txibãkĩ inabu nami inũ hawẽ sheni has menukĩ hatũ shinã pepawẽ Senhor Deus kẽwãkĩ uĩmakubaĩshãkanikiaki.

Mateus 13:12

Hakia tsuabũra ẽ hãtxa besti nĩkakĩ txibaĩbu itxapa ẽ ana hatu shabakabi yusĩkubaĩshanaii. Hamẽ tsuabũra eskarabes nĩkabiakĩ ea txibaĩsbuma ha eskarabes ẽ hatu mebĩshanaii, hakimawakinã— iwanã

Mateus 13:33

ana miyui betsawẽ hatu yusĩkĩ: —Misi wakatsi aĩbũ shekiwã duru mirima kẽtxa ewapa putxinĩ kesũshũ hawẽ shashawati eskarabes ũpashki nemustã hawẽ shashawati shekiwã duru kapã dasibi buspukirãkĩ shashawamiski. Deus shanẽ ibuirã, haska keskariki. Ha dukũ huni betsã Deusũ hãtxa ikũwaĩ pepakũkaĩkĩ hawenabu yusĩakeakeaya unãshubira mirimabũ ikũwãtirubuki— hatu aniki.

Mateus 15:13

Jesusũ nukuri yuikĩ: —Tsuabũra ea inũ ẽ Epa ikũwãma nukũ hãtxa danaĩbu ẽ Epãri hatu danãriashanikiki, mibã tsuã banama hamebi hukuĩma tatxayabis betsea keska wakinã.

Mateus 21:19

hi betsa figueira benãta tupã bai kesha nia betxitã hawẽ bimi hayamẽkaĩ uĩtanũ ika kashũ hawa bimi hayama hawẽ peis besti uĩkĩ Jesusũ hi bimiuma yupukĩ yuikĩ: —Hau tsuã mĩ bimi ana piyamashanũbũ ana bimitaskayamashãwẽ— akaya haskabiama e iskaũ hawẽ pei niri iki shanaya

Mateus 25:29

ana hatu yuikĩ: “Tsuara na ẽ tsuma pepa keskatũ hawara haya pe mekea unãtã itxapa hayawẽ manakukĩ ana itxapa ẽ inãshanaii, binumakinã. Hakia tsuara na ẽ tsuma txikix keskatũ hawara haya pe mekeama ha eskarabes haya unãtã ẽ mebĩshanaii.

Mateus 3:10

Haskakẽ matu yuinũ nĩkakãwẽ. Hi tibi bimi pepa hayama deratã mã kuamis keska wakĩ bestibu Deusũ matu kupishanikiki. Hamẽ tsuabura Abraãonẽ baba kayabibũ hawẽ yusĩa hau txibãkubainũbũwẽ. Hakia mã haska wamakẽ matu kupinũ, iwanã, duewẽ matu dera keska watã txi anu matu urẽnũ, ishũ manaikiki”,

Mateus 3:12

Ha inũ, shekiwã bimi ta keyushũ pepa arutã hawẽ shepa kuamisbu keska wakĩ dasibi hawenabuma danãkĩ hawa txi nukaisma anu urẽshũ kuanũ, iwanã, manakubainikiki”, akĩ Naximanika Joãonẽ hatu yuikubainikiaki.

Mateus 7:19

Hanua hi bimiuma tibi deratã kuamisbuki.

Marcos 4:20

Haska inũ, heshe betsa mai pepa anu sa akarã, Deusũ hãtxa nĩkashũ yura betsabu hatu yusĩkĩ ikũwãmamisbuki, mai pepa anu heshe niri aka ewai benei bimiai betsa 30 hesheyai keska inũ, betsa 60 hesheyai keska inũ, betsa 100 hesheyai keskarã— iwanã,

Lucas 8:13

Ha inũ, heshe betsa mixki ewapabu mania anu mai eskarabes bemãtximea anu niri akarã, tsuãra Deusũ hãtxa nĩkakĩ taewai benimabiaya xinã pewamawẽ taeshũ hawẽ hiwepanã Deusũ hãtxa danãmakĩ hatu bika wakĩ hawẽ hamapaiwẽ hatu itxakawabu tenei hawawẽ haskatima ha uĩtã ana hawẽri txĩtũbaĩmisbuki, hatũ tatxa itxapama keskawẽ taearã.

João 15:1

nũ benibaunaibu nuku ana yuikĩ: —Ana betsa matu yusĩnũ nĩkayukãwẽ. Earã, ẽ uva bana nia hawẽ tashu kayabiki. Ẽ Eparã, mibã ibuã mekekĩ meurumiski.

João 15:16

Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

João 15:3

Ẽ hãtxa ẽ matu yusĩaĩ mã ikũwaĩwẽ taea mã ma xinã betsa haya mã ma shũpĩhairaki.

João 15:6

Ea haibuwama ewẽ petxiarã, hawẽ mebi bimiuma meshtetã putaima barĩ shana waxina itxawashũ kua keska wakĩ Deusũ txi anu hatu urẽshanikiki.

João 15:8

Haskai duapanãkĩ Deusũ kuxipa mã hatu kẽwãmairã, bimi itxapayai keskakĩ txanima ẽ tsumabu kayabi shabakabi mã ishãkanaii.

João 17:12

Na enaburã, mai anua hatube hiweshũ mĩ kena kuxipa mĩ ea inãniwẽ txakabu nemakĩ ẽ hatu mekekubirãxinaki, hawa hatu benuamarã. Judas besti haska hakiri kenenibu keska aki ma benuni iki kashuki.

Romanos 11:17

Nũ judeuburã, oliveira hi kayabi keskabuki. Hakia hawẽ pũyã babu betsa meshtetã oliveira mebi betsa kuxipa haki tsamĩtã nea dasibi habias tatxanua hawẽ shuku hawẽ namibe husitã habias yumemis keska Abraãonẽ bababu Deusũ hatu watã Israelĩ baba betsabũ Deus txibãkĩ ikũwãbuma Deusũ oliveira pũyã meshtea keska wakĩ hatu danãtã maturi Deusũ hawenabu wakĩ Abraão matũ shenipabu keska matu wariakeakeikiki. Haskakẽ Deus hawenabu Israelbuwẽ nuikĩ hatu duawakubaĩshanai Deusũ Abraão yubani keska wakĩ mã Israelbuma matuburi Abraãonẽ bababu keska watã matuwẽ nuikĩ matu duawaikiki, oliveira kuxipaki tsamĩa haki nea keskawakinã.

Romanos 11:22

Uĩkãwẽ, Deusrã, nuikipa hawẽruaki. Haskabia hawẽ yunua mestẽ binumaismaki. Habu txĩtuaĩbu danãkĩ hatu kupimisshũ matu mã Israelbumabiakẽ matuwẽ nuikĩ duawakĩ hawenabu matu wakeakekubainikiki. Hakia haska hi pũyã babu meshteshũ putamisbu keska wakĩ matũri hawẽ xinã txibãma mã txĩtuaĩbu Deusũ matu danãtã matu kupiriashanikiki.

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

1 Coríntios 13:1

Haska hawẽ pepai hiwekũkaĩtirã, eska xinãtiki. Hamapai yura betsabũ hãtxa tibiwẽ ẽ hãtxatiru inũ, Deusũ nai tsumabũ hãtxawẽ ẽ hãtxatirubia ẽ hawa nuikipama hãtxairã, hawara mane kuxakĩ taĩ taĩ amisbu keska inũ mane dabe tsumashũ tsakama tsakama abaĩkĩ huiyawamisbu mimawati keskaki, hawauma hamẽ hãtxawã bestirã.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 12:15

Tsuabura Deusũ inãkuĩ pepa danãma hau hayai keyunũbũwẽ. Hamẽ haskama tsuara mã huĩti sinayarã, sika tatxa paepa keskatũ hatu daũkĩ akawakĩ yurabu mã hatu danãmatiruki. Uĩrakubaĩkãwẽ.

1 João 2:19

Habu tashnirã, nãtekea beama habia nuku anua iki taebaĩkanikiki. Nukube itxabiamisbu Jesus Cristo danaĩ ana nukube itxama haki sinatakanikiki. Hamẽ nukubetã ikũwaĩbunã, nuku pashkabainama itirubuki. Hakia nuku pashkabainaibu uĩkĩ ikũwã kayabiabuma mã shabakabi unãtirubuki.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.