Joel 1:10 - Kaxinawá Bíblia (BR) Yunu bai dasibi hawa hayama shaba besti dakaki, mai besti pes daka kashai keskarã. Shekiwã trigo shiniwanẽ pikĩ ma keyukĩ benuabuki. Uva nishi bana ma shanai keyuaki, hawa betsa taska besheamarã. Oliva hi pei dasibi ma pashĩ keyua dakariaki. |
Uva nishi dasibi shanai keyua figueira mibã hi shanai hawẽ pei niri iki keyui hawẽ bimi ma benuaki. Bimi batapa maçã inũ, banĩ inũ, bimi betsa bai anua hi bimiya dasibi ma shanai keyuawẽ taea haska keskariai yura dasibibũ hatũ benima pae ma benukĩ keyuriabuki.
Mã paenawãbuũ, bestẽtã uĩkãwẽ. Uva bimi hene ma pema pema akaibu matu mebĩshanaibuwẽ taea vinho anikabuũ, kasharikãwẽ.
Senhor Deusũ hatu itxakawama hatu yuikĩ: “Matũ piti hau keyuyamanũ shekiwã trigo inũ, uva vinho inũ, piti sheni ẽ matu yunukubaĩshanaii, ha pi mã benimai pe pekubaĩshanũbunã. Ha dikabi ikũwãbuma hau matuki ana kasheyamanũbũ ẽ hatu matu nemashũkubaĩshanaii.
Nukũ Mekenika Senhor Deusũ nuku pashawashanaiwẽ taea ẽ benimahairashanaii. Nukũ mai pakekawana nukuki sinataibũ dasibi txakabuwakĩ keyuabũ figueira hi hua hawa hayama inũ, uva bai hawa bimi hayama inũ, oliva hi hawa bimi hayamarikẽ hanua bai anuri hawa mibã bimi tsekatirubu hayamarikẽ txashuwã shukua dasibi yumetsui keyuabu ana hayama inũ, inapã hiwe anu ina awa betsa taska niamabiakẽ Senhor Deus ẽ kẽwãkubaĩshanaii.
Haska wakĩ matũ kushipa mebĩtã habũ ea kẽwãkatsi ikĩ hatũ ina beabu hatũ inapã pui matũ besuki ẽ putashanaii. Txipu habũri hatũ inapã pui matuki tsamia hayabi maturi putashãkanikiki.