Jó 5:22 - Kaxinawá Bíblia (BR) Buni teneaibu inũ hamapai txakabu tashnibiabiranaya mĩ usã bestishanaii, yuinaka pianãbuki hawa hatuki meseamarã. |
Haska Assíria nawa shanẽ ibuhaira ishanaikiri Senhor Deusũ hakiri hãtxakĩ yuishurã, eska washanikiaki. Nĩkawe: “Senaqueribeẽ, ha maewã Sião txipash keskatũ mikiri usaĩkiki. Senaqueribeẽ, mĩ kaĩkainaya buri buri ikĩ Jerusalém anu hiweabũ mikiri kasheshãkanikiki.
Inu betsa leão anu inũ, yuinaka mese atimapa anu inũ, dunu pianãbu anu mĩ nibiakauanai mia habũ meama ishãkanikiki.
Meshu merã isĩ atimapa matuki hikitiruki dateyamakãwẽ. Bariri isĩ betsa tibi matuki hikitã yamawatiruki dateyamakãwẽ.
Ha bai anu inu betsa leão hayama inũ yuinaka mese pianãbu hari buama ishãkanikiki. Ha bai meribi anurã, txakabũ hatu tsumani Deusũ hatu peka ana txakabuuma hanu mapui txĩtũbirãshãkanikiki,
Kamã inu lobo pubẽbia txashuwã bakebe ketashameshũ hawama pishanikiki. Inu betsa leão ana pubeãma ina awa bene keskakĩ basi pishanikiki. Dunu pianãtũ pitirã, mai kuru besti ishanikiki. Dasibi ẽ mati meribi pepa anu mapuaburã, ana hawa bika tenei txakabuama dasibi pe besti ishãkanikiki”, ikĩ Senhor Deusũ hawẽ hãtxa yuikĩ mestẽwaniki.