Senhor Deusũ yuikĩ: —Peki. Sodoma anu 50 huni pepabu hayakẽ habuwẽ taeshũ dasibi ẽ hatu tenã keyuama ishanaii— aka
Isaías 1:9 - Kaxinawá Bíblia (BR) Senhor Deus dasibi binuatũ hawa nukunabu eskarabes nuku hatube teshewama inirã, na habiatianã, ha nawabu Sodoma inũ Gomorra anu hiweabu Deusũ hatu yamawani keska nũ ikeanaii. |
Senhor Deusũ yuikĩ: —Peki. Sodoma anu 50 huni pepabu hayakẽ habuwẽ taeshũ dasibi ẽ hatu tenã keyuama ishanaii— aka
ana ea akĩ: —Eki sinatayamayuwe. Ana bestiwakĩ ea akĩ ẽ mia yukaii. 10 pepabu besti hayakẽ haskara mĩ hatu wai kai?— aka Senhor Deusũ ana kemakĩ: —Peki. 10 pepabuwẽ taea habuwẽ taeshũ Sodoma nawabu ẽ hatu yamawama iki kaii— atã
Sodoma maewã inũ Gomorra maewã anu Senhor Deusũ txi inũ bui menuai ui keska watã nai anua hatuki puta
Habiaskabiakẽ enabu Israelĩ enaburã, Acabe shanẽ ibuaitianã, habũ yushibu Baal dami kẽwaĩ ha bebũ dãti ika dakashũ hawẽ tae hutsu hutsu akama ikubainimabu 7.000 yurabu ẽ hatu heneshanaii, hawa hatu tenã keyuamarã”, aka
Assíria shanẽ ibuhairatũ hawẽ tsuma Rabsaqué yunushina nukũ mekenika Deus hiweaki hãtxa txakabui shetxakai hawẽ detenamenika shanẽ ibu hãtxai mĩ mekenika Senhor Deusũ nĩkashumẽkaĩ”, ishũ, “Ẽ shinaiĩ. Hawẽ hãtxa nĩkashĩshũ Senhor Deus mĩ mekenikatũ hau ibubis hatu kupishanũwẽ. Nuku eskarabes nũ hiweyuabu Assíria nawabũ nuku atxiriama hau nuku merabewashanũ Senhor Deus dayuikĩ nuku yukashũwẽ, akĩ ea yuishũtãkãwẽ”, atã hatu yunua
Sião maewã anurã, hawa betsa bashikuamahairaki. Habu henebainimaburã, uva bai anu peã shubu besti hayaki. Barã betsa pepino beshea bai namakis anuri peã shubu besti hayaki. Ha maewã keshebauna hiweaburã, matuki sinataibu besti hayaki.
Senhor Deusũ ana hatu yuikĩ: “Jacó enabu dasibi mã Israelbu habu matu deteama teshe wanibuũ, ea nĩkakãwẽ. Eanã, mã kaĩriama matũ ibube mekeshũ ẽ matu nimakubaĩmiski. Ẽ matu ikushũ iyuwawamiski.
Ha yurabu décima parte ẽ hatu heneima haburi ẽ yamawaya haskaitiã ipakeshanikiki. Eska keskairã, hi keyatapa derabu hawẽ buru besti henemiski. Hakia hawẽ buru anua hawẽ tushpi betsa datakukirãmis keskai enabu anua hawẽ baba betsa meribi txakabuma tashnikaũshanikiki”, akĩ Deusũ ea waimaki.
hanushũ tsuabũra: “Ẽ Shanẽ Ibu Senhor Deus kushipaki”, ikĩ ea dayuiaibu habu besti pashakĩ hatũ hiwea ikibi ika bishãkanikiki, mawa kayabi anu kamarã. Haska Senhor Deusũ hatu yubanirã, Mati Sião inũ Jerusalém anu hanu piskuti hayaki. Hanua tsuabura Senhor Deusũ ma hatu katuni hiweriakubaĩshãkanikiki, hawẽ kupiti mawa bika teneabumarã.
Ana yuikĩ: “Haska Sodoma inũ Gomorra nawabu ẽ hatu kupini keska wakĩ matu txakabuhairawakĩ matu yamawabiakĩ ẽ matu keyuama ikũkainimaki, karu menui keyui tsistekainai anua matu neshekĩ akawakinã. Hakia ẽ matu haska wabia hawa shinã betsa watã ea shinaĩ ea anu mã txĩtuãma ikubainimabuki”, akĩ Senhor Deusũ hawẽ hãtxa txanima mestẽwanikiaki.
“Senhor Deusuũ, dasibi mĩ akubaĩmiskiri nĩkakĩ uĩ mia betxipaibiai e iki miwẽ ẽ datekũkainaii. Nũ hiweyua nuku unãmakĩ mĩ kushipawẽ haska mĩ akubirani keska wakĩ mĩ kushipa ana nuku uĩmawe. Nũ Israelbuki mĩ nukuki sinatabiai mĩ nukuwẽ nuiai nuku uĩmawe”, iwanã,
Haska inũ, Israelbukiri Isaíasĩ yuikĩ: “Unãshubira akama haska hawẽ hãtxawẽ yubakani hawaira menekĩ ashanikiki, mai hirabi anu hiwebaunabu hatũ txakabuwẽ Deusũ hatu kupikinã. Hanushũ Israelbu mirimahaira maxitibiabũ eskarabes Deusũ hawenabu watã habu mekepakeshanikiki”,
iwanã, Deusũ hatu kupiriama Isaíasĩ ana yuikĩ: “Nukũ Epa Deus kuxipahairatũ nukunabu Israelbu kupikĩ teshe wama inirã, nũ hayamari ikeanaii, haska Sodoma mae ewapanuabu inũ Gomorra mae ewapanuabu Deusũ hatu kupikĩ yamawani keskarã”, itã Isaíasĩri keneniki.
Natiã tsuabũra hawẽ hãtxa nĩkama txakabukubainaibu Deusũ hatu kupishanai hau bebũkiri dasibi txakabumisbũ Deusũ eskaibu hatu kupini hau hakiri unãshanũbũ mae dabe Sodoma nawabu inũ Gomorra nawabu kupikĩ txiwẽ hatu menu keyukĩ Deusũ hatu yamawakĩ mapu besti hatu wanikiaki.
Jerusalém bai kaya namaki habũ yura datãbu na haskairã, hanushũ hatũ Shanẽ Ibu cruzki mastanibu anu ha mae ewapa Jerusalém anu yura hiweabũ Deusũ hãtxa danãkĩ nĩkaisbuma Sodoma inũ Egito anu hiwenibu keska ikubainaibu anu hatũ yura dakakẽ