Hechos 19:3 - Kaxinawá Bíblia (BR) hanushũ Paulõ ana hatu yukakĩ: —Haskatã tsuã yununi kuxipawẽ matu naximabu mã ikimamẽ?— hatu wa habũ kemakĩ: —Haska Naximanika Joãonẽ hatu naximakĩ yusĩniwẽ taeshunã— akabu Kashinawa : Diosun Jesúswen taexun yuba bena yiniki januxun Pablon ana jatu yukakin: —Jaskatan ¿tsuan yununi kushipawen matu nashimabu man ikimamen?— jatu wa jabun kemakin: —Jaska Nashimanika Juanen jatu nashimakin yusiniwen taexunan— akabu |
Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.
Jesusũ hãtxa nĩkakĩ habũ Naximanika Joãonẽ hãtxa nĩkatã xinã betsa waibu hawẽ unãti wakĩ Joãonẽ hatu naximaimawẽ taeshũ yurã kaiã inũ Romanõ shanẽ ibu pei bishunikabũ yuikĩ: “Ikũki. Hawara Deusũ akairã pepaki”, iwanã, xinãkeakeaibũ
Jesus mekenãkiri unãmaimabu ikũwãkĩ haska Joãonẽ besti hatu naximani ha besti unãkĩ hawa dateama benima paẽwẽ yusĩkĩ haska Jesus hiwekũkaĩni mawa ana besteni shabakabi hatu yusĩayã
Habiaskari wakĩ nũ habũ ikũwaĩ tibi judeubu inũ judeubuma inũ, escravo dayaru inũ tsuã dayarumã nũ Jesus ikũwãyã nuku duawakĩ habias Yushĩ Pepa Deusũ ma nuku inãkeakekẽ ikũwaĩ betsabuki dasinũ nũ ikaya henewẽ nuku naximabu ha Yushinĩ nukũ yura bestitxai keska wamiski.
hatu naximakatsi hatu yusĩakirirã, habũ Cristo ikũwaĩbuki mapepishũ hatu Deus yukashũtikirirã, mawabu ana bestẽshanaibukirirã, Deusũ hatu unãti watã hanu hatu bika tenemapakeshanaikiri haskas yusĩawẽ besti nũ matu yusĩtirumaki.