Hechos 13:22 - Kaxinawá Bíblia (BR) hanushũ Saulõ Deus ana pe txibãmawẽ taeshũ ana Deusũ merabewama hawẽ kuxipa mebĩtã hanushũ Jessẽ bake Davi hau ha mai hirabi shanẽ ibunũ, iwanã, kẽwãkĩ Deusũ yuikĩ: “Davĩ haska ẽ akatsi ikai akĩ ea benimawamistũ ẽ hãtxa txibãkĩ hatũ Israelbu pe mekekubaĩshanikiki”, hatu waniki. Kashinawa : Diosun Jesúswen taexun yuba bena yiniki januxun Saúlon Dios ana pe chibanmawen taexun ana Diosun medabewama jawen kushipa mebintan januxun Jesén bake David jau ja mai jidabi xanen ibunun, iwanan, kenwankin Diosun yuikin: “Davidin jaska en akatsi ikai akin ea benimawamistun en jancha chibankin jatun Israelbu pe mekekubainxanikiki”, jatu waniki. |
Hanua Judá enabu huni itxapa inũ hatũ anibu unanepabu bui hikishũ Senhor Deusbe yubakatã Davi Judá enabũ hatũ shanẽ ibu wanibukiaki. Hanushũ haska watã hanubi hakiri txanikĩ hunibu mae Jabes-Gileade mai pakea anu hiweabu bushũ Saulũ yura bitãshũ maiwaimabu Davi banabimabu
Kanebiaibũ ẽ pepa ẽ hatu mebiãma ishanaii, Saul anua ẽ pepa ẽ mebini keskama Saul putatã hawẽ shãtukũ ẽ mia shanẽ ibu wanirã.
Ha dikabi ẽ ea Senhor Deus kushipahaira dasibi binuatũ haska ẽ mia yuai keskari ẽ tsuma Davi ea yuishũtãshãwẽ: ‘Enabu Israelĩ enaburã, mĩ hatu yunui shanẽ ibukũkaĩshanũ txashuwã itxapa mekekubaini nãta basi bai anu nia txashuwã txipi hatxũ mĩ nia kenatã ẽ mia katuniki.
“Ha Shanẽ Ibu ẽ katuni ẽ yunushanai ha meribi mae pepa mati Sião anu shanẽ ibushanikiki”,
txanima Deusũ Davi yunua shanẽ ibukĩ hawenabu merabewakubaini atimas mawa maiwabu hawẽ shenipabuki nukutã hawẽ yura beniama txapuni natiã mã unaiĩ.
Ha Romano shanẽ ibu Cornéliõ hiwe anushũ ẽ hatu yusĩayã habũ Jesus ikũwaĩbu Deusũ dasibi nukũ xinã unãmistũ ha judeubumari hawenabu wakĩ ikũwãmakĩ nuku keskari wakĩ kuxipa wakĩ hawẽ Yushĩ Pepa hatu inãkĩ hatu atximayamaki.
Hanua Davi shanẽ ibukĩ Deus benimawakubainaiwẽ taeshũ ana duawanũ, iwanã, Jacó hawẽ kena betsa Israel hawenabũ Deuski nukuti kayabi mixki hiwe hawẽrua washũshanũ, iwanã, Davĩ yukabia Deusũ nemayunikiaki.
Hakia Senhor Deus henekĩ mã ana txakabuwakĩ taewaya matu inũ matũ shanẽ ibu bena kupikĩ Senhor Deusũ matu matsukĩ akawashanikiki— anikiaki.
—Pe dabanẽ Saul ẽ shanẽ ibu wani ẽ yunua ea akĩ pewashunama natiã ma ea heneawẽ taeshũ ẽ ma heneaki— aka haskakiri Samuel shinãma bika tenekĩ hau putayamanũ meshu txai tanakĩ Samuelĩ Senhor Deus Saulkiri yukashũshini
Habũ Senhor Deus ikũwãbumã danãkĩ txakabuwakĩ Deus sinatamamisburã, yushibube dayai mukayakĩ unãmisbu keskabuki. Tsuãra Senhor Deusũ yunuti hãtxa nĩkama habũ yushibu dami kẽwãmisbu keskabuki, txakabuwairã. Hamẽ miã akĩ Senhor Deusũ yunuti hãtxa mĩ danãkĩ txakabuwashinawẽ taeshũ natiã mĩ nukũ shanẽ ibu ikis mia danãriaikiki”, aka
kemakĩ Samuelĩ yuikĩ: —Mĩ ma Senhor Deusũ yunuti hãtxa danãshinawẽ taeshũ natiã mĩ Israelĩ enabũ shanẽ ibubiakẽ Senhor Deusũ mia danaĩwẽ taea ana ẽ mibe hari kamaki— atã
haska wã hanushũ Samuelĩ Saul ana yuikĩ: —Na ẽ tari mĩ ea ushnishu keska wakĩ Israelĩ enabũ mĩ hatũ shanẽ ibubiakẽ Senhor Deusũ mia ma ushnia keska waikiki. Haska keskari wakĩ mĩ shanẽ ibuai mia ma mebĩtã Israelĩ enabu betsa pepa mia binua Senhor Deusũ katutã inãshanikiki.
Atimas Senhor Deusũ Samuel yuikĩ: —Saulwẽ taearã, hatiã hawẽ nui kashakũkaini mĩ hakimashanai? Israelĩ enabu Saul hatu shanẽ ibushũkũkainai ana haskai ẽ betxipaiamaki, mĩ haska shinainã. Menã benikaĩ ha piti sheni mĩ txashuwã mashũ bishtuki mata watã Belém anu huni betsa Jessé hiwea anua hawẽ huni bake betsa hau ha Israelĩ enabu shanẽ ibushũkũkaĩshanũ ẽ ma katushinawẽ taea hari katãwẽ— aka
haska wa Samuelĩ nĩkatã sheni bua hawẽ kapãkãkia bitã hawẽ epa Jessé inũ hawẽ betsabũ uiaĩbũ berunã hawẽ kena Davi piti sheniwẽ Samuelĩ mashu akĩ hau Israelĩ enabũ shanẽ ibukũkaĩshanũ katuaya habiatiãri Senhor Deusũ Yushinĩ Davi kushipa wakĩ taewaya hawa ana manai niti ikama hatu yuibaini Ramá anu hawẽ hiwe anu Samuel txĩtũkainikiaki.
kemakĩ Samuelĩ yuikĩ: —Ma miki sinatakĩ Senhor Deusũ mia ma henebiaimakẽ mĩ haskakĩ hamẽ ea yukai?
haskai Saul inũ hawẽ huni bake dabe inũ besti inũ hawẽ detenameti mabu bushũmis hawẽ tsuma inũ hawẽ mekenikabu habe bukubaũmisbu habias shabatiã mawariabũ