2 Samuel 2:4 - Kaxinawá Bíblia (BR)

⁴ Hanua Judá enabu huni itxapa inũ hatũ anibu unanepabu bui hikishũ Senhor Deusbe yubakatã Davi Judá enabũ hatũ shanẽ ibu wanibukiaki. Hanushũ haska watã hanubi hakiri txanikĩ hunibu mae Jabes-Gileade mai pakea anu hiweabu bushũ Saulũ yura bitãshũ maiwaimabu Davi banabimabu

2 Samuel 2:4 Referencias Cruzadas

2 Samuel 19:11

haska yuikubainaibũ Hene Jordão ukeri Maanaim anushũri nĩka keyubaunaibũ Davĩ hiwe anushũri habias yuiaibu Davĩ nĩkatã Deusbe hawenabu hãtxashunika dabe Zadoque inũ Abiatar anu hawẽ hãtxa hatu bumakĩ Davĩ hatu yuikĩ: “Judá enabu anibu unanepabube hãtxakĩ ẽ hãtxa eska hatu ea yuishũkãwẽ: ‘Ẽ shanẽ ibui hiwemis anu ẽ ana txĩtũtirumẽkaĩ, shanẽ ibubube ea hãtxashũkãwẽ.’

2 Samuel 19:42

Judá hunibũ nĩkatã Israelĩ hunibu yuikĩ: —Hamẽmẽs mã nukuki sinatatirumaki. Habia nukunabi kayabi nukũ shanẽ ibu nũ itãshinaki. Hawawẽ dabanã mã nukuki sinatai? Nũ shanẽ ibũ piti pishiãmẽ? Hawẽ hawa nũ bishiãraka. Nuku hawa inãmaki— akabu

2 Samuel 2:7

Natiã matũ shanẽ ibu Saul ma mawabiashĩkẽ ana has shinãma benimai kushipakãwẽ. Eari ẽ matũ shanẽ ibu ikũkaĩshanũ Judá enabũ ea katushinabuki’ ”, akĩ hatu hãtxa bumanikiaki.

2 Samuel 5:17

Hau hatũ shanẽ ibuhairanũ Israelĩ enabu dasibitũ Davi ma katuimabu Filisteu nawabũ nĩkatã habe detenamekĩ maemanũ ika yubakai itxabirã Davi benai buaibũ haskaibu nĩkatã mishki kenebaunibu kushipa anu hawẽ detenamenikabube Davi hikitã hunekẽ

2 Samuel 5:3

haska wakĩ Israelĩ enabu anibu unanepabu dasibi bushũ Hebrom anu shanẽ ibuhaira Davibe hãtxakĩ Senhor Deusũ hau hatu unãti wakubaĩshanũ Davi hatube yubakai taekĩ Israelĩ enabu dasibi Davi habũri shanẽ ibu iriakũkaĩshanũ anibu unanepabu dasibibũ hatũ shanẽ ibu wakĩ Davi katunibukiaki.

1 Samuel 16:13

haska wa Samuelĩ nĩkatã sheni bua hawẽ kapãkãkia bitã hawẽ epa Jessé inũ hawẽ betsabũ uiaĩbũ berunã hawẽ kena Davi piti sheniwẽ Samuelĩ mashu akĩ hau Israelĩ enabũ shanẽ ibukũkaĩshanũ katuaya habiatiãri Senhor Deusũ Yushinĩ Davi kushipa wakĩ taewaya hawa ana manai niti ikama hatu yuibaini Ramá anu hawẽ hiwe anu Samuel txĩtũkainikiaki.