Gênesis 29:13 - Kaxinawá Bíblia (BR)

Jacókiri nĩkatã: “Ẽ puĩ bakeki”, ika kushikirã haki nukushũ ikushũ tãtsu ashũ hawẽ hiwe anu iyua Jacó hawenabukiri txanikĩ haska hatube hiwemis hatu yui keyuaya

Gênesis 29:13 Referencias Cruzadas

Gênesis 24:29

Rebecã pui Labão nĩkatã haska bestima ha deu sawemashu inũ mebi daberi sawemashuri uĩtã ha hunĩ haska washu uĩtanũ ika ha ũpash bana kinikiri kushikaini kashũ Abraão tsuma benakubaĩkĩ hawẽ camelo itxapabube nia hawa pashkariama betxitã haki nukutushikĩ

Gênesis 24:31

yuikĩ: —Miarã, Senhor Deusũ mia duawamiski. Hanu niama nukũ mae anu kayuwe. Mia inũ mĩ tsumabu nũ ma hiwe mia pewashũshuki. Ha dikabi mĩ camelo hanu maniti nũ pewashũriashuki. Ebe bekãwẽ— aka

Gênesis 24:32

Abraão tsuma hatũ hiwe anu kai hikiaya Labão camelo kamakia hawẽ mabu buteshũtã hau pinũbũ basi arumis tsusĩ bishũtãshũ inãkĩ mãtxĩshũtã hanushũ Abraão tsuma inũ hawenabu hau hawẽ hutxukinũbũ ũpash hatu inã hutxukiaibũ

Gênesis 33:4

haskakũkainaya unuriari ana haki sinatamari uĩmariai kushiriakirã Esaú Jacóki nukutã ikukunaĩ teikukutã tãtsu aka benimai habia dabe kashanibukiaki.

Gênesis 45:15

hanushũ hawẽ betsa Benjamim henebaĩ betsaburi tãtsu akubauni hatube ikukunã kashai keyui nesetã ana dateama hawẽ betsabuya hãtxaibũ

2 Samuel 19:39

huni dasibi Hene Jordão pukebainaibũ shanẽ ibuhaira Davi pukekaĩ hatũ beyawẽ taeshũ Barzilai ikushũ tãtsu atã pe nitxiã hawẽ mae anu Barzilai txĩtũkaini atimas hikiaya,

Êxodo 4:27

bebũkiri Senhor Deusũ Moisĩ betsa Arão yuikĩ: “Hanu tsua hiweabumanu mĩ betsa Moiséski nukui kawe”, aka Arãonẽ nĩkatã txaihaira haki nukui kai hanu Deusbe nukuti mati anu Moiséski nukutushia bari itxapa uĩsma benimahairakĩ yukakĩ tãtsu aka

Lucas 7:45

Ha inũ, ea beya wakĩ mĩ ea tãtsu akamakẽ mia anu hikia ẽ dakakẽ na aĩbũ besti ea beya wakĩ ẽ tae petsu petsu akĩ heneamaki.

Hechos 20:37

hanua dasibitũ teikutã haya kashabetanã Paulo tãtsu atã:

Romanos 16:16

Haska inũ, Jesus txibaĩbu dasibibu tibi hatuki nukutã hatu danãma yuka iki hatube ikukunãkubaĩshãkãwẽ. Haska inũ, na nenu hiweabu Jesus Cristo txibaĩbu itxati hiwe tibi anuabũ habũ hãtxari matu bumakanikiki, Deusũ hau matu dasibi duawakubainunã.

Colosenses 4:5

Haskakẽ ikũwãbumabe mã hiwearã, hatube merabenaĩ pe hiwei unãnepakĩ hatu duawariakubaĩkãwẽ, Cristo mã ikũwaĩ haska bestikiri hãtxakĩ hatu ikũwãmakinã.