Gênesis 24:31 - Kaxinawá Bíblia (BR)

³¹ yuikĩ: —Miarã, Senhor Deusũ mia duawamiski. Hanu niama nukũ mae anu kayuwe. Mia inũ mĩ tsumabu nũ ma hiwe mia pewashũshuki. Ha dikabi mĩ camelo hanu maniti nũ pewashũriashuki. Ebe bekãwẽ— aka

Gênesis 24:31 Referencias Cruzadas

Gênesis 18:3

Abraão hatu yuikĩ: —Shanẽ ibuũ, mĩ huai?— hatu wa dami yura kayabitã ha meranua Deus hãtxai: —Ẽ huaii— ikaya Abraão nemakĩ yuikĩ: —Ẽ mĩ tsumarã, ea betxipaikinã, ea binũbaini hawaira kayamawe.

Gênesis 19:2

hatu yukakĩ: —Mã huai?— hatu wa —Nũ huaii— akabu —Maturã, ẽ matu iyushũ beya wai ẽ hiwe anu beyukãwẽ— hatu wabaĩ —Ha hari ũpash tsaua hawẽ hutxikikãwẽ. Hanua ẽ hiwe anu ushashini bestẽtã penaya ana mã katiruki— hatu wa habũri yuikĩ: —Haskamaki. Hemaĩtĩ anu nũ ushaii— akabu

Gênesis 19:3

Ló hatuwẽ nuihairakĩ hatu nemahaira hawẽ hãtxa nĩkatã hawẽ hiwetã hikiabu misi itxapa inũ piti sharabu hatu bawashuna pitã

Gênesis 29:13

Jacókiri nĩkatã: “Ẽ puĩ bakeki”, ika kushikirã haki nukushũ ikushũ tãtsu ashũ hawẽ hiwe anu iyua Jacó hawenabukiri txanikĩ haska hatube hiwemis hatu yui keyuaya

Salmos 115:15

Senhor Deusũ nai dami wani inũ mai dami wanitunã, hau matu duawakĩ pepawakubainũwẽ!

Provérbios 17:8

Hawarawẽ hatu duawakĩ taewabaĩkĩ pei kasmai mabu hune hatu inãkubaĩkĩ: “Ẽ hatu haska wa ea merabewatirubuki”, iwanã, shinãkubainaiwẽ taeshũ hawara hawẽ txakabu ashũtirubuki, yushĩ txakabũ kushipa haya ikũwaĩ keskawenã.

Provérbios 18:16

Shanẽ ibuhaira betsabe hãtxanũ ishũ tsuãra hawẽ daewati pepa beshũ hawẽ tsuma mĩ inã mia bitxitiruki.

Rute 3:10

Boazĩ kemakĩ yuikĩ: —Senhor Deusũ hau mia duawakĩ pepawashanũwẽ. Mĩ bene ma mawabiaimakẽ mĩ benẽ ewa heneama mĩ aĩbu pepahairaki. Dasibibũ mia uĩkanikiki. Mabuya kasmai, mabuuma nukunabu huni betsa hawẽrua pepari ea keskama berunã duakabi bene wakatsi mĩ hatu benama hakia mĩ ea anu besti hushuki.