Ha inũ, cinco shanẽ ibu ma mawanibuki. Hakia betsa natiã shanẽ ibuikiki. Ha inũ, betsa shanẽ ibunũ ika huriamaki. Hanua ha hawẽ henea shanẽ ibui huarã, hatishuĩra bari itxapa shanẽ ibuama ishanikiki.
hanushũ nai tsumabũ ana ea yuikĩ: “Deusũ mia ana yunuairã, mia yuinũ nĩkawe. Mae betsa betsapa anu hiweabukiri inũ, nawa mai pakea betsa betsapakiri inũ, hãtxa tibi hãtxaibukiri inũ, shanẽ ibu kuxipahaira betsa betsapakiri hawẽ hãtxa bena shabakabi hatu keneshũkĩ haska Deusũ hatu haska washanai hatuki txaniriwe”, ea wa ẽ nĩkashuki.
ha yuinaka mese atimapa betsarã, ha ha dukũ tenãnibubia ma hawẽ dete bunitũ hawẽ kuxipa dasibi hayatũ ha bebũshũ mai hirabi anu hiweabu ha ha dukũ yuinaka mese atimapa hatu kẽwãmakubaĩkĩ
hawẽ bushka betsa tenãnũ, iwanã, tsuãra txatxikĩ debuwani keska ma buni baka haya mai anu yura dasibibũ ha mese uĩ e iki dateyabi: “Habaa!” ikĩ uĩkĩ txibaĩbũ
Ha inũ, ha yuinaka mese atimapahaira ha shanẽ ibu sete betsa ibiani ha dukũ hiwebiani natiã ana hayamabia ana hiwea ha oitavo shanẽ ibu ishanikiki. Hakia atimas ha yuinaka mese atimapahaira hawẽ henekĩ Deusũ kupikĩ yamawashanikiki, niti akamarã.