1 Samuel 20:3 - Kaxinawá Bíblia (BR)

hakia nĩkamas Davĩ ana yuikĩ: —Mĩ ea betxipaihairai mĩ epã unãkĩ mia nuimakatsi ikama ea tenanũ ishũ mia haska yuikatsi ikamaki. Senhor Deus inũ miã mĩ ea nĩkaya ma ẽ debu kema txanima shabakabi ẽ matu yuiaii— aka

1 Samuel 20:3 Referencias Cruzadas

2 Samuel 15:21

kemakĩ Itaĩ shanẽ ibuhaira Davi yuikĩ: —Mĩ mekenika Senhor Deus inũ mĩ ẽ shanẽ ibu matu dabe ikũwãkĩ ẽ matu txibaĩwẽ taeshũ ẽ mia yubaii. Hanira mĩ kaya mĩ dayarui ẽ mibe kaii. Mĩ hiwekẽ ẽ mibe hiweshanaii. Mĩ mawaya ẽ mibe mawariashanaii— aka

2 Reis 2:2

Eliasĩ Eliseu yuikĩ: —Betel anu Senhor Deusũ ea hari yunuaiwẽ taea na habianu bashikuyuwe— aka hakia Eliseũ kemakĩ yuikĩ: —Senhor Deus hiwea inũ mĩ hiweawẽ taeshũ ẽ mia yubaii. Mimesti mĩ kai ẽ mia heneamaki— aka hanua ha dabe Betel anu buaibũ

2 Reis 2:4

hanushũ Eliasĩ Eliseu ana yuikĩ: —Jericó anu Senhor Deusũ ea hari yunuaiwẽ taea na habianu bashikuyuwe— aka hawa nĩkama Eliseũ kemakĩ ana yuikĩ: —Senhor Deus hiwea inũ mĩ hiweawẽ taeshũ ẽ mia yubaii. Mimesti mĩ kai ẽ mia heneamaki— atã Jericó anu ha dabe ana buaibũ

2 Reis 2:6

hanushũ Eliasĩ Eliseu ana yuikĩ: —Hene Jordão anu ukeri Senhor Deusũ hauri ea yunuaiwẽ taea na habianu bashikuyuwe— aka hakia Eliseũ ana kemakĩ yuikĩ: —Senhor Deus hiwea inũ mĩ hiweawẽ taeshũ ẽ mia yubaii. Mimesti mĩ kai ẽ mia heneamaki— aka hanua ha dabe Hene Jordão anu buaibũ

Jeremias 38:16

hakia hune yubakĩ Zedequiasĩ Jeremias hãtxa wakĩ yuikĩ: —Senhor Deusũ nuku hiwea inãmiswẽ taeshũ ẽ mia yubaii. Mĩ ea shabakabi yuibiaya hau mia tenanũbũ ẽ mia hatu yunu taskama ishanaii. Ha dikabi habũ mia tenãkatsis ikaibu anu ẽ mia yunuama ishanaii— aka

Deuteronômio 6:13

Haska shinaĩ Senhor Deuski mesekĩ kẽwaĩ ha besti dayashuni peshũkubaĩshãkãwẽ. Tsuabura mã yubakakatsis ikairã: ‘Ẽ mia parãmaki’, iwanã, Senhor Deusũ kena bestiwẽ shabakabi yubakakubaĩshãkãwẽ.

Hebreus 6:16

Ha inũ, nukunabu yubakakatsi xinaĩ: “Hawara ẽ hatube yubakai ẽ akamakẽ haratura kuxipatũ hau ea haskara washanũwẽ”, iki tsuara kuxipaki mesei yubakamisbuki. Hanua haskakiri yubakaimawẽ taea ana xinã betsakĩ ana tsuã yuba betsa wakĩ maewatirumaki, hawẽ taea haa ikirã.

1 Samuel 1:26

Anã Eli yuikĩ: —Ẽ Shanẽ ibuũ, bari betsatiã mĩ uiãyã ẽ eskayama mia yuinũ nĩkawe. Txanima mia dapishũ ea aĩbũ ẽ kesha bestiwẽ Senhor Deus ẽ ea akĩ yukahairai uĩkĩ ẽ paeã keska mĩ ea yuiyamarã, ẽ eaki.

1 Samuel 17:55

Davĩ Filisteu nawa Golias detei kai uĩkĩ Saulũ bebũkiri hawẽ detenamenika shanẽ ibu Abner yukakĩ: —Abnerĩ, tsuã huni bake ikimẽkaĩ, ha berunanã?— aka kemakĩ: —Shanẽ ibuũ, Deusũ nuku uiãyã eãri ẽ unãmaki— aka

1 Samuel 20:2

kemakĩ Jônatasã yuikĩ: —Deusũ haska betxipaiamaki. Mĩ mawama ishanaii. Shinãkĩ ea nĩkawe. Ea hawa yuiama eamaki hawa betsa betsapa ẽ epã aismaki. Mia tenanũ ika haskakĩ ea hũtaĩmẽkaĩ? Haskatirumahairaki— aka

1 Samuel 20:4

Jônatasã yuikĩ: —Mĩ haskarara betxipaiayarã, eã ẽ mia ashũtiruki— aka