Na ẽ matu keneshũ bumaiwẽ matu ha akĩ txitenũ nĩkakãwẽ. Ikũwaĩbu betsabube itxatã pewama mã hatu itxakawaiwẽ taeshũ ẽ matu kẽwãmaki.
1 Coríntios 11:2 - Kaxinawá Bíblia (BR) Ẽ matu yusĩtani habi txibaĩ mã txĩtuãmawẽ taeshũ benimakĩ ẽ matu kẽwaiĩ. Kashinawa : Diosun Jesúswen taexun yuba bena yiniki En matu yusintani jabi chibain man chintuanmawen taexun benimakin en matu kenwaiin. |
Na ẽ matu keneshũ bumaiwẽ matu ha akĩ txitenũ nĩkakãwẽ. Ikũwaĩbu betsabube itxatã pewama mã hatu itxakawaiwẽ taeshũ ẽ matu kẽwãmaki.
Matũ hiwe anu piti hayamakẽ ikaskĩ bebũkiri yaniwakatsi ikama ha piti bawabirã beshũ dabukũ hatu pashkashũkĩ inãkatsis ikama yauxikĩ hawaira keyukĩ ikũwaĩbu betsã piti eskarabes beabu hatu dakewakĩ Jesus ikũwaĩbu dabĩwãkĩ Jesus nuku mawashuni xinãmati piti pinũ ikaibu mã hatu dakewaibu matukiri yui benimakĩ ẽ matu kẽwãtirumaki.
Mã haska xinãnũ Timóteõ ebetã Cristo txibaĩ ẽ bake keska txĩtuĩsma hau matu merabewanũ matu anu ẽ nitxiaiĩ. Ha ẽ abumistũ nukũ Shanẽ Ibu ikũwãkĩ txibãkĩ hawẽ yunuti inũ hawẽ nemati ashũkubaĩkĩ ikũwaĩbu itxati tibi anushũ haska ẽ yusĩkubauni keska shabakabi Timóteõ matu yusĩ kaikiki. Nĩkairashãkãwẽ.
Mae tibi anushũ ikũwaĩbu hanu itxamisbu tibi anu kakũkaũkĩ haska ẽ yusĩmis habiaskari matu yuinũ nĩkakãwẽ. Haska bebũkiri mã haska beyawẽ hiwea nukũ Shanẽ Ibũ matu hiwemashanũ, iwanã, Deusũ matu tibi katukĩ kenaniki, haska Deusũ hawẽ xinãnẽ haska matũ hiwea matu betsawamani hawa ana xinãma hau mã Jesus txibã bestikubainunã.
Txanima nuku nũ ikai keskai inũ nukũ Shanẽ Ibu Jesus hiweni keskai matũri mã nuku txibãyã matu itxakawakĩ matu nuitapawabiaibũ Deusũ Yushĩ Pepatũ matu benimawakubainaya Deusũ kakape mã ikũwãkubainimabuki.
Hakia mã ikũwaĩ txĩtuãbuma inũ mã abunamei heneama Tessalônica anua haska kaka Timóteõ nĩkatãxĩshũ nuku yuia nĩkai haska nũ matuwẽ nuiai keskariai matũri nuku ana beisnũ ika mã nukukiri xinaĩ matu uĩtani huxĩshũ nuku yuikĩ benimawaxinaki.
Haskawẽ taea ẽ betsabu inũ ẽ puibuũ, matu haska wakĩ katunikẽ nukũ yusĩa beya bena hari matũ mae anu kashũ ibubis nũ matu yusĩtanima inũ nukũ kenewẽ nũ matu yusĩainã, hakimama txibãkubaĩkãwẽ.
Ẽ betsabu inũ ẽ puibuũ, nukũ Shanẽ Ibu Jesus Cristõ nuku yunumiswẽ taeshũ nũ maturi yunuai, nĩkakãwẽ. “Nukubetã Jesus ikũwãkatsi ibiai tsuara nũ yusĩaĩ txibãma inũ beya bena nũ matu yusĩma danãkĩ akabumarã, ana hatukiri xinãyamakubaĩkãwẽ”, hatu dakewakinã.